21-8-07(二)放5，係學校執下野，搞到成6點先走，跟住去做gym，做左35分鐘時，己很累，很想放棄，但唔得，要積極d，做了一小時後就走了，涼都唔沖，諗住趕7:30既免費車，可惜唔夠位上不到，行下吉之島，買了10條我鐘意食既日本一條條餅，因為$9.5有兩條，俾起平時$5一條為平。我真係好鬼鐘意食朱古力同餅(但唔係乜餅都啱架)。

冇乜點睇歲月風雲，因為用左d時間打電話約ied同學下星期食飯，同埋同大梁傾電話(識佢咁耐都係第一次)我問佢有d咩course好讀，講下現家學校既混亂情況，同埋聽佢講下佢做校長所面對既困難。

23-8-07(三)放5:00，跟住去了佳俊屋企家訪，我都係第一之到學生屋企家訪，今日之所以會去佳俊屋企家訪，係因為佳俊成日都問我幾時去佢屋企，我就叫佢問下媽咪幾時得閒先啦!上星期有一日放同佢媽咪傾開計，佢媽咪提番起呢件事，跟住第二日我就問佳俊想我下星期幾時去佢屋企，於是佢話星期三，then今日就去佢屋企。

去到家俊屋企，佢變得好怕羞，重係度練習寫字(佢屋企人話俾平日唔肯做架!)，之後佳俊拿西餅請我吃，但都冇咩講野，我就同佢媽媽、阿嬤一齊傾下計，佢就係度聽，後來同佳俊玩籃球機、四連環、過三關等，佢就即刻生猛曬。佢d屋企人先話佢(奸矛)，玩四連環時，見你就o黎贏，就會阻住個窿唔俾你入。

坐到6:15就走了，先返ied攞電腦功課，跟住坐番小巴去旺角，行去金雞廣場玩埋d圍棋同學仔(阿旦、May)一齊去cafe食飯捉棋，之從圍棋堂完左之後，都好少捉了，今晚總算練習番。

傾開計先知阿May以前大陸都係幼師，阿旦個老公重搞笑，整左個可以轉既麻雀枱俾佢自己一個人練麻雀。