18-8-07(六)返8放12，今日校長都同我地講番走失小朋友事件，而我也對黃老師作出提醒，因為佢個班有兩個小朋友成日都係學校走來走去，老師應該留心一點。而佢訓覺的事我就冇講，俾個機會人吧!

PS:晚上收到阿彭個E-MAIL，她說：而且亞吳真係講得出做得到，簡直係我個偶像。(因我前晚send 個e-mail俾佢話有d野我都會出聲。)我第一次被人封做偶像，真係特別。

12:20就走了，坐小巴去深水埗食譚仔，我食雞肉、腩肉麵(5小辣)，原來我都食到5小辣，雖然一路食我人中的位置不斷出汗，但食落都ok，可惜食到底幾乎食完既時候，我竟然係夾到塊破了邊既膠片，嘩!咁都多，呢塊次乎係爛左既杯o黎lor，我叫個伙記埋o黎，佢重問我係邊到o黎，我咪話係個碗到夾，跟住佢話俾個碗我，下!我都食完了，俾個碗我，我都食唔落，跟住佢收左我碗野就走左了，唔係呀!咁都多，交代聲都唔駛，我知係到同Mandy講，係呢d情況下，佢唔應該收我錢架!我個心情就勁輕鬆，又唔擔心塊片會污濁，個碗野食左就會有好多菌，又唔擔心萬一唔小心咬到，可能會介損嘴，一心只係到諗，佢應該o黎同我講唔收我錢，當那個伙記行番出來時，佢只顧上菜，又唔即係行過o黎同我交代，到佢再想行入廚房時，我咪望住佢lor，佢意會到我望住佢，佢先行過o黎同我講頭先個碗唔收錢。

碗麵雖然唔洗錢，但飲品就由原本跟麵只需加3蚊，變為9蚊，不過都算啦!我同Mandy先係度諗，早知碗麵叫多d餸啦!我真係好樂觀，如果呢d問題出現係其他人身上，可能會不斷度大吵大鬧，要投訴...

今堂結他堂，只得我同Mandy兩個人上，好似包堂咁，後來我問阿sir有冇鄭伊健p既歌，阿sir話有一首係譯日文既，佢話唔知個名，我叫佢唱出來，佢一唱出來，我就知係感激我遇見，太開心了，連鄭伊健o既歌譜都有，因為呢首歌，我要好好咁練結他先得了。

上完堂，同Mandy一齊行去地鐵站，大家係度講，其實我地o既問題懶練習，我地打字都快，打得好，咁其實按結他和弦都應該ok gar，我地真係要努力了。

跟住我坐地鐵去葵興，學3:30-5:45，跟住坐地鐵出番油麻地，再行返屋企，我都好少可星期六6點幾就係屋企，本來Phoebe又叫我去銅鑼灣食飯、行街，但拎住個結他咁重，邊有心機去，亦都好彩冇去，因為夜晚就下了滂沱大雨。

由於非常疲累的關係，由9:30訓到第二朝8:00，由訓左10個半鐘。