3-8-07(五)放工6:00，行到去碼頭時，睇住15號巴士走左，之後等多10分鐘就有另一班，上車第一件事係訓覺，因為呢架車去藍田起碼要10個字。最後果然不出我所料，坐在55分鐘，我都訓左45分鐘。

去阿Joe屋企天台燒野食，本上去阿Joe屋企前想去探下余太(我以前個補習學生，係住係阿Joe屋企樓下15層，重要大家都係且一個單位)，但係去到佢屋企門口時，怕自己咁樣會太唐突，所以打過電話俾佢先，可惜電話冇人聽，所以都未(禁)門鐘就走了，再坐電梯落番G/F，再上28樓。(點解呢到部電梯只可以(禁)製向下落，冇得上架?)

去到Joe家時，阿金、phoebe、Mandy已到了。我同Joe、Mandy一齊洗野食，等埋偉仔o黎到就上天台BBQ了，天台可以望到海景，靚wor!(不過望到海景那邊天台是人地的)

Joe o既天台到有間房，內有冷氣，我地燒得熱時可以入去涼下冷氣。

燒到12點幾，執埋野入屋，過一陣再食埋Mandy買給phoebe、偉仔、Joe o既雪糕蛋糕時就走了。坐7折的回家，80元車費變56元，抵就抵，不過一諗到自己o既爸爸就係要同呢d的士一齊做爭生意，就好慘了。回到家差不多2點，再睇埋歲月雲風錄影帶3點先訓。