29-7-07(日)返午堂，跟住開華英NDS camp會，2:30離開去香港堂，有一個泰澤既工作坊，見到番幾個去泰澤既團友，估唔到只係見到幾個人咁少。5:45結束聚會後就回家了。

30-7-07(一)8:45就出門口，行去油麻地坐地鐵去興葵，由9:30學車到11:45，跟住坐地鐵去銅鑼灣，本身去信和大廈既neway先，但已lunch k 已full了，重要等到1:15唱happy hour，$59一位，包兩杯飲品。跟住我之後去埋green box睇，green box係勁空，都冇人，所以(簡)呢間唱lunch k，都好耐未試過係平日唱lunch k了，我重可以用埋張學生証tim，埋單都只係$84，由12:45唱到4點。但green box轉歌勁慢，同埋少新歌。唔多ok lor!

由於表妹要去見工，我又要去銀行，所以唱到3:30就走了。

跟住坐77號入田灣，去老人院探婆婆，去到時，貞姨都已經係到餵緊佢食稀粥，又見到婆婆老左了，如果我老左連自理能力都冇乜時，我寧願早d返天家。表妹話佢都唔駛咁長命，60歲就夠了。

之後我同表妹去了數碼港睇戲，因為我未去過數碼港，所以好想去行下，我地買左7:10既飛，重有差不多個半鐘先夠鐘，但我地發覺數碼港係無野行，所以呢個半鐘都過得好無聊，搵個位坐係度等下，打下機就算了。

去到戲院等入場時，表妹話我d教友，我望極都唔知佢講乜，跟住佢話坐係度帶十字架練那個，oh…原來那個係蔡少芬，佢無化妝，我都唔係好認得佢，後來我表妹更出佢隔o黎那個係陳法容(帶了黑超同頭巾，好鬼難認)我表妹好勢利，咁都認得d明星，我同佢一齊成日都會撞到明星，每次都係佢話我知的。

我地今晚睇變型金鋼，呢套戲比我想像中好睇wor，d機械人變身變得好勁，如果現實真係有d咁既機械人，都會幾型!(如果唔係我睇左哈利波特，我諗我地都唔會睇呢套戲)

睇完戲出左銅鑼灣時代廣場既麥當勞飲野，我當然係飲朱古力啡咖奶式。