23-7-07(一)5:00am爸爸o既的士已o黎到愛民，佢車我去深井會合Vikcy，然後6:00左右就到機場了，坐到6:30，就去搵領隊，交左証件俾佢後，我地去食burger king到食早餐(以前呢個位置係麥當奴o黎架)，3x蚊個早餐，都幾貴wor。食完野7點1,2到就去客運大樓二期到行下，d鋪頭都冇開門，行行下望下個電話係7:23分，今日又係7月23日，所以我會記得呢一分鐘做過乜。

去到12號閘口時，遲遲都未入閘，原來佢要等齊人一架車，車曬我地成機人去停機坪上機，係新機場都係第一次坐呢架車，我地坐香港快運，架機o既坐住係3 3，在機上覺得有點凍，問佢地有冇毯時，佢地竟然話呢架機冇，真有點滴汗，那我只好除自己o既短申外套來披，然後訓覺，補充下睡眠。

1小時50分後落機，抵達黃山，我地既領隊叫陳美麗，導遊係小胡，聽導遊講先知今次架機係由中旅社包機o黎(今班機係第二班)，而家每星期兩班機，逢一同四，所以我地係舊黃山機場落機(呢個機場真係超簡陋)。

我地一團25人先去食午餐，然後去云谷索道乘車上黃山，當吊天o黎到時，我地準備上吊車時，工作人員突然話山水有雷，暫不能開車，結果我地坐係度等度2個鐘先可以上山，好彩我地係坐係侯車室到等，但重有好多下一班車o既人出面企係度等，雖然有瓦遮頭，但後多落大雨，佢地都被雨丿濕，所以佢地係出面大吵大鬧，話要入o黎等，咁佢地又真係好慘，最後d工作人員都俾佢地入o黎等，但可以入o黎既都只係一部份，仍有好多人要繼續係外面企係度等。

雖然延遲了2小時上山，我地一上山後，就把行理交給挑夫拿去酒店，事關我地要即刻行山，要行成個幾鐘。(要俾$20挑夫，如果冇延誤上山，我地一開始會去酒店先，那我地既行理就可以自己搬，慳番$20)

先上始信峰(開始相信黃山是美麗)，我地途經黑虎松(由老虎變的)、連理松、在連理松下的橋鍊上有很多鎖(原來係連心鎖)、龍爪松(在山上的唯一一棵根外靈)、遠望由猴子觀海(明天上山會再近d去望呢個景觀)、探海松(探海松上有棵樹像一條龍)、豎琴松、夢筆生花、筆架，然後去入住的酒店(獅林大酒店)擺行理，然後食晚飯。