14-7-07(六)8:45返到學校，跟住去黃埔宣道小學，我班小朋友未表現前，係課室到一邊睇vcd，一邊等，我班K1小朋友終於都大了，起碼冇係呢d時候到喊，半到年o既聖誕節又同樣地係課室到等時，都會有人扭計有人喊。

好彩今年係搞結業禮暨舊生重聚日，只是高班表演，然後全校一齊唱「謝謝老師」呢首歌，N1 – K2小朋友都唔駛有表演，所以唔駛Train d仔表演係一件好事，起碼少d勞氣。

好彩攤位遊戲有義工袁國富幫手執波，如果唔係會執親死。

陽陽爸爸送了個咪連擴音器俾我，佢真係太好了，是關佢早幾日都打電話o黎問過我有冇咪：
我：學校有的
陽陽爸爸：你想唔想有一個屬於自己的
我：做咩咁問
陽陽爸爸：出年教k2會辛苦(事關我同年繼續教佢個仔)
我：駛唔駛錢o架? (我都開門見山)
陽陽爸爸：其實係要o既，因為我係教協會員，見到教協有咪買。
我：點解你會係教協會員。
陽陽爸爸：xxxxxx(佢好似話佢係乜乜會既會員，都可以係教協買野)
我：啊!其實都唔駛o架啦!我都唔係成日用咪，係唔夠時先用的。
陽陽爸爸：咁我而家明白啦!你地學校有咪，但你冇一個屬於自己既咪。

佢講到咁，我都預左佢會送個咪俾我o架啦!真係多謝曬!你一家都實在太好了，希望陽陽d太陽敏感，大大下會好番就好了。我從未見到過d咁好o既家長，除左送個咪俾我，又俾左14張餅卡我，叫我分俾學校職工，我都話唔駛客氣，佢話d嬸嬸都辛苦。

當我收到呢兩樣野都要向校長交待。(幾日後，校長說上頭回覆，咪當佢損贈俾學校，主要係我用，但將來我離職時，仍要留番係學校。餅卡就用作將來學校活動時用左佢)

完function後，返學校時，要有工在裝修，d toilet封曬冇得用。

之後去todai食lunch buffet，同大梁、細梁、阿盧一齊坐的士去美麗華廣場，今餐buffet由校長請，他想同我地搞好d關係，但有d老師同嬸嬸就唔係好想領情，究竟大家既關係幾時先可以改善?，校長成日都防衛自己，成日覺得人地話佢，態度唔好，會搵藉口，自己從不覺得有問題，而老師雖然有d說校長做得唔好o既地方是說對，但語氣有時又實在令人難受，父啊!真係希望你可以介入我地當中，教大家去面對同解決問題，為著安基好，可以放抵自己，坦承合作。

食到2點幾就走了，阿彭(去黃大仙)、大梁(返沙田)同阿盧(葵芳)都坐地鐵，於是我都坐地鐵入癸芳，行下葵涌廣場，然後等4:15去癸興學車。

葵涌廣場實在太多人了，我都只係買左個耳筒，因為mp4個耳筒壞了。跟住收到阿湯電話話想改4:05，好彩都係開葵芳咁近行街，所以提早了10min都ok o既。

第一次試渣考試路線同埋學泊車(5號位)，新開泊車，當然唔熟，但三手太調頭就熟悉了好多。日頭學車好好多，睇得清楚地下線去泊車同調頭。諗落係葵涌考車都唔係唔好，假設之後都係星期六學車，我係深水埗學完化入o黎葵興都會幾順路，比起天光道好的(天光道近我屋企，能方便我回家)，同埋葵涌呢條路都ok wor，可能今日星期六條路唔算有太多車，希望考試時都係咁就好了。

學足3堂，6:20學完，跟住出返旺角朗豪坊大電視到等Angel、June、Yanny同惠凌一齊去14H同學聚餐，Angel同惠凌遲D o黎，我地三個上去先，後來到Angel o黎到，佢推埋個bb車入o黎，有d人以為係佢個仔，其實佢係帶埋佢那隻剛做完spa o既玩具貴婦o黎，佢隻狗真係好乖，好安靜，成隻玩具咁，平時我唔會掂d貓貓、狗狗的，因為怕污濁既我，每次掂完動物都一定要去洗洗手，但佢隻狗都做埋spa咁乾淨，所以我唔止掂佢，重抱埋佢tim。

一日食足兩餐好野，真係慘，因為第一餐唔敢食咁多，驚食唔到夜晚個餐。