11-7-07(三)今日phoebe生日，琴晚臨訓前，已call了她，做左第一個打電話同佢講生日快樂既人。

返8放5，lunch時同阿彭一齊整星期結業禮o既攤位遊戲活動，二個一齊整，好快就完成了。

放5點，打埋一份兒童發展報告，同埋寫埋phoebe張生日卡先離開。

6:07上小巴，6:36先落車，由於太眼訓了，車上睡著了。

先去COVA取生日蛋糕，並於COVA門口會合了Vicky，跟住一齊行去taste搵Phoebe。再一齊坐小巴上慈雲山。

7點幾就到Phoebe屋企，Apple要到8:30先o黎，真係超肚餓，好彩Phoebe買左d薯片同朱古力，我就有下零食醫肚。

今餐飯由Phoebe父母煮，真係好豐富，我想即使阿魚同阿Joe o黎埋，都應該食唔曬。Phoebe父母真係好好，會為個女煮餐咁豐富既生日飯請朋友食。

到Apple o黎埋，我們就開餐了，我、Phoebe、Apple、Vicky同埋Phoebe父母，及Phoebe契細佬同契細妹一齊食飯。

原來Apple好鐘意食蟹，最佳配合莫過於一邊食蟹，一邊飲酒，佢同Phoebe爸爸都好夾wor!

食完飯食士多啤梨同車厘士，車厘士甜d，比起大粒o既士多啤梨更好味，跟住就食COVA蛋糕，呢個蛋糕重好味，面頭塊朱古力，同圍邊o既朱古力碎真係好好味!

我地睇電影睇到10:30就走了。

為左想同Apple傾耐d計，我陪佢撘一部貴d o既116巴士都ok，但佢又好好咁話佢陪我答一部平d既5c巴士落土瓜灣珠江戲院那邊(Apple需要行遠d先返到屋企)，最後都係坐5c巴士，巴士上佢提議可以去按摩。我也很想呢，因為右腳真係好痛，痛左幾日了，按摩下應該會好d。於是落車後去了按摩。

按摩50分鐘$108，都按得ok，起碼按完隻腳冇咁痛。重係按摩時睇埋套電影2003龍咁威(呢套戲已睇過了)

按完12:30，已冇左尾班17號巴士了，唯有坐的士，坐$19.2的士，個司機都好好wor，找番$80.5俾我，通常d的士司機，好少會找尾數，見呢個司機咁好(其實我爸爸都會找尾數架!)，臨尾都同佢講番聲唔該。