9-10-07(一)一起身，隻右腳抽住抽住痛，撞鬼了，而家係右腳痛、右手痛(琴日鳴鐘)同右額腫，真係禍不單行，雖然我間唔中都會係自己唔知既情況下撞瘀了、界損了，係唔知既情況下整親，我又冇咩感覺，好似冇事發生咁，但今次隻手同額頭都係係知既情況下整親，感覺就冇咁好，好怪自己唔小心，整親自己。所以而家全部係右邊身受傷。

返8:00，超眼訓，我都足足返左一個月900-6:00，所以一返8:00會好唔慣，極唔夠訓，2點幾時，打緊兒童發展報告，坐係到都訓得著，所以索性lay入課室恰一恰，2:45起身。

放工本想坐5:10車回家，但唔夠位，所以行一陣吉之島，坐5:30車，上車後才接到Vicky電話，佢原來已經在油麻地等我了，由於我琴晚留左言係msn俾vicky，佢又冇覆我，我以為佢已忘了今日既約會，所以我都一心放工就回家，只等了身份證、八達通、100蚊同一張車飛出街，所以即使收到佢電話，我都唔可以落車，改坐巴士出油麻地，點都要回家攞下錢、同ESP卡先可以去報團。

回家攞曬野後，再行出旺角搵Vicky，我地去了中國旅行社睇大陸團，其實我去邊都冇咩所謂，最緊要係去一旅行，撘下飛機，同埋睇下風景。

最後我地報左去黃山玩，4日3夜既豪華團，住2晚山上，埋單係$3909，其實有一個平300蚊既團，不過係玩黃山 + 一d山下既景點，我同Vicky都不約而同簡了豪華團，因我想住2晚山上，可以親近大自然，寧靜下，同埋我諗我都未必會去第二次黃山，咁不如一次去玩曬 / 睇曬山上多d既景色會好d。

報完團後7:00就去了麥當勞食野，本想去銅鑼灣同阿媽、鸞姨、貞姨、表弟、表妹一齊食韓國燒烤，但係又唔係好想，一o黎肥la，二o黎唔想過海，三o黎自己都累，四o黎要返屋企睇下份電腦功課點做。

麥當勞o既薯條 + 奶昔都好好味，食到好有滿足感呢!同 Vicky 都好好傾wor!我諗我地一齊去旅行應該唔會悶既。

8:30走了，行路返屋企。

沿途搵惠玲求救，睇下佢識唔識做電腦份功課，佢話佢個miss又俾到以前既人既功課佢地睇，佢話send俾我，真係好了，有份sample睇下，咁我就知個大綱模式係咩，那就可以好快咁做到份功課。Yeah!出外靠朋友，真係一d都冇錯!

由於太累太累了，本想10點幾就訓，但同phoebe傾電話傾到11點先訓。