28-6-07(四)今朝返工開始下大雨，曾猶豫過坐的士好，定行路去，但我又驚落大雨時冇的士，會更麻煩，所以行路啦!

行路真係一個錯誤既決定，因為真係好大好大雨，我行愛晨徑返工時，見到好多水由山到沖落o黎，全身濕曬都預左，更大獲既係去到隧道位時，呢到水浸，(d水浸到去小腿四份一)，冇得’簡’，點都要行過去，唯有返到學校時再用水沖下腳，以防水浸既地方藏有好多細菌or容易搞到有香港腳，不經我d皮膚實在太差了。

今日芙芙(李芙琳)最後一日返學，明天佢會坐飛機去美國一個月，跟住直接去堔圳。(佢屋企本身係住美國的，因爸爸是公司亞太區代表，所以返o黎香港住2年，跟住去工作廣州工作2年，之後先返美國住)再見了芙芙。

芙芙本身對人都唔係好有感情，佢比人感覺較為冷淡，佢走了，又無話太過唔捨得，可能我個人都同樣較冷淡，人大了漸漸接受現實好多既限制，對好多事都唔會留太多感情，當然也會有d事會係例外。

放工坐6X小巴出唔駛7分鐘就出到尖沙咀，因我既cell約了6:30係YMCA到等，我最早到，跟住家媛也來到，見佢背脊’咩’著一支黑色野，我以為係樂器，但原來係一個遮袋，內藏一把遮，這個遮袋真的很特別，唔知既人可以當作一個載了武器既袋也可以。

Heath遲到、同埋Winnie會遲放，所以我、家媛、偉仔、雯雯本想去杏花樓食住等，但係杏花樓冇位，所以去了隔間粥粉麵飯到食野。Heath成7:25先到，真係遲到離抱，重要係佢呢個星期放緊假，等下星期返新工，咁都可以遲咁耐...

飯後一齊去YMCA 4樓既一間露修房靈修，但去到時入面都已有人，所以我地冇入到去，是但去了走廊一張枱到靈修。

靈修後，Winnie也未到，我地等埋Winnie o黎時先一齊分享。

9:00左右看更來趕我們去Lobby，因為我地冇book地方，於是我地去返靈修室，分享到9:30左右就離開了，坐8號小巴回家。