26-5-07(二)放工6:00，坐6:22既212巴士出油麻地上圍棋班，今次係第二堂，可以與人試下捉圍棋，都幾好玩wor，玩到夠鐘都唔捨得落堂。

跟住去潮樓攞位，8:50攞位，9:00即刻有得入座，good。

今晚同阿媽食，佢係旺角落了車，教佢o黎潮樓時，突然斷線，我之後不斷打俾佢都唔通，我又行唔開去搵佢，又怕我去搵佢時，佢又行開左，最後我都係坐低繼續等佢打俾我，因為我相信佢會想辦法搵電話打俾我。

到佢再打電話俾我時，她已經是在潮樓門口了。

阿媽同我都覺得阿爸會鐘意食呢間野，因為有佢喜歡既卥水野食。

飯後同阿媽一齊行路返屋企。

返到屋企後，上yahoo玩圍棋，玩到上隱tim。圍棋係好玩，但我唔太熟，所以都覺得難，等我玩多d吸收經驗先得。