4-6-07(日)18手前既今日係六四，當年年幼無知，都唔係好知發生咩事，只知道死左好多人。

琴日聽基督教協進會的陳劍光牧師講道，佢講係中國南平縣一直受著當地政府的打擊和逼迫，直至舊年這地方才有宗教自由，當地居民自1948年就已聽過福音，但他們到到58年後才第一次有外人(牧師)探訪，很多人都流著淚說, 終於盼到了這一天. 幾十年來, 那裏的信徒經歷了幾代, 很多人到死也看不見這一天的來臨。58年後這條村的宗教信仰得到認可。

咁六四事件又要何事才能得平反呢?

返8:00，由於星期六玩wii後，右手手臂仍然很痛，所以琴晚已取消今日做gym既念頭，而細梁琴晚也約我今日去游水，想去，但手痛而唔想有手尾，所以都推埋了，剛巧今日又要拿小朋友校服、公共圖書館既圖書回校，都唔想拿了，所以一早同阿媽一齊坐的士返工。

由麥當奴12蚊早餐，由麥當奴行返學校那段不算長既路，都已經好熱，feel到有d汗了，幸好我一早己紥了馬尾，如果唔係會更熱，總覺得自己紥馬尾再帶眼鏡個樣會好師奶，呢個我們我問個阿lo，阿lo話唔係，那就放心d。

lunch時收到漢聶媽媽電話，先知佢原來入院後，有衞生署打電話搵佢，並將學校有人一齊嘔o既事告訴她，咁佢就同醫生講，醫生就好醒咁去同佢驗諾沃克病毒，其後也証實他受感染，我諗我班d小朋友都應該係一齊中招，其實諗番起我都有可能中，因為星期六便便係有點似瀉咁，但又唔係好嚴重，可能係經便便排毒怪，但今日阿彭請病假，她是腸胃炎，莫非她係中招?

今日第一日見新仔黃景熙，起佢覺得佢個樣似以個前個仔林道康，返學時喊了一陣，被我用兩句tun掂，yeah!午睡時扭了一陣計又喊左一陣，都好快tun掂，重快埋覺tim，但係去到放學時，佢一聽到個咪不斷廣播小朋友放學o既名字後，佢就驚到喊，我估佢係驚咁大聲，咁我就緊係快d打俾佢阿媽叫佢o黎接走佢啦!原來佢阿媽以為5、6點先放學，不怪得遲遲唔見人，都唔知校長點同人地家長溝通，人仔返學，由半日轉全日，有機會唔適應架ma!都唔提下人地早d接放學，後來同文員講開野，佢話我知佢同校長一齊見家長時，想提家長o架!但校長唔講，佢無理開聲。唉…

放工5:00時，要同黃景熙媽媽交待佢今日既情況，所以遲走了20min。

行去紅磡街巿2E巴士站搵嚴慧芝，佢會借奧福套書同碟俾我，同埋我會入曬呢幾年IED功課俾佢作參考。

去忠信藥房配藥，因今朝牙肉腫，同埋有鼻水。

去倫記車仔麵買麵回家同阿媽一齊食。買完麵後都好好彩地趕得切坐6:10既車回家。

PS：今日大梁同我講協恩請了佢做校長，真係威，將來會識一個名校既校長。