30-5-07(三)明天係陞仔o既last day，突然擔心佢可能明天會唔返，所以今日先同佢影左張先。陞仔由05年11月入學就開始跟我了，教左佢成年半，都有感情，但又唔好話太傷感，因為天下無不散之延席，我記得自己好耐之前就同自己講過，唔好對d事物太有感情，以免離別時會太傷感，同埋人唔捨得係短期既事，時間會沖淡一切，好似當似我離開常樂，我掛住我教過既小朋友，得番會返去探佢地，什至會同佢地msn，但到了幾年後既而家，感情也淡了，冇咩感覺。夠竟我而家係睇開左，定係其實我對陞仔本身唔係太大感情呢?呢個係一個謎!我諗都係我對佢既感情唔太深怪?

放6:00返學，又上電腦堂，又係打日記既良機。收到Samuel電話，話佢出左糧，要請我食飯，多謝先。

14H2既同學約7月14日食晚飯，我都係睇我D同組member去唔去先決定，我問Angel會否去，佢又係咁答我，到問Yanny，佢都係咁答我，我估大家既諗法都係咁上下，所以我同Yanny咁我地去啦!於是我地既組員也陸續簽名去。

小息後，好多14H2既同學仔冇入o黎上堂，佢地傾緊佢地既實習老師Paul Wong既事，佢地跟呢個地獄老師，真係慘，我係度打日記冇出到去傾計。

後來June話等佢地交曬Paul Wong既功課，就約出來食飯，惠凌竟然不斷咁講佢地四個去食飯，June提佢我地既組員係有5個，衰婆讀左3年，組員有幾個都唔知，因為佢數漏了我，原因係我冇出得去傾計，佢就覺得組員只係4個人，有冇搞錯咁都得?!

「溏心風暴」o既唐至歡勁呀，係記者會上講出大契錫他既事勝於他的親阿媽，勇敢面對阿媽o既暴行，無理行為。

31-5-07(四)陞仔最後一日返學，俄姐同陞仔講話兩年後見，我問點解，佢話會係畢業禮見，係wor! 陞仔因搬去白田村住，所以轉讀同一機構既安康幼兒學校，每年大家都會搞聯校畢業典禮，所以2年後佢畢業時，我地會見，希望到時我又未走，佢又重係到讀啦!

放工去做gym，一個新miss教，佢都係第一次黎黃埔教呢堂，遲d都會繼續教，佢播既歌有好多都係中文歌，可以一邊踩單車一邊唱，但要練呼吸，所以只能心唱，由於琴晚打日記打到成2點訓，再前一晚又傾電話傾到2點訓，其實精神真係麻麻地，好彩係返9:00，8:00先起身，但都係累，所以今日冇乜力踩單車。今晚要早d訓先得。

呢期上單車班6:40-7:40，沖涼、焗sona、呼埋mask都可以趕得切坐8:40既免費車，時間真是剛剛好。