24-5-07(四)琴晚成2點先訓，今朝9點起身，食左個雙料朱古力甜筒先再出門，好好彩又中一張獎多一支甜筒既票，9:48出門行落紅磡火車站，10:05上車，10:47到達上水會合大梁同佢d團友總共一行七人一齊上大陸。

11:20係羅湖商業城各自行1小時，我同大梁周圍行，我去了買4GBmp4，成功講價至220。

12:30會合大家坐地鐵，第一次坐深圳o既地鐵，張飛係一個環境幣，入閘時，好似八達通咁，將個幣部機上o都就可以了，都幾得意，地去東門，去了一間麵線王食野，有D肉骨茶、刀削面、粉皮…等埋單每人$31。

跟住行去東門一個買布既商場，陪大梁同小鈴做套裝，呢到做衫都幾抵，手工貴140、另加布料60-70左右，就有一條裙+一件外套。

做衫後，去百佳買飲品，良哥好拖了架手推車來買了3pack蒙牛牛奶回香港，佢話呢既牛奶價錢係香港既一半，16盒牛奶賣30.9。

再坐番2蚊地鐵返羅湖商業城，我地五個女仔一齊整水晶腳甲$100、我再做埋修手$15、修腳$20、再加埋手甲打立20，埋單$155。俾起上次整手指既水晶甲還要平，上次好似用了250/300蚊去整。

7點幾同大梁一齊就離開羅湖商業城，坐火車返香港了，沒有和他們再去食小肥羊，怕太夜回家。上火車又好好彩地有位坐，平時係羅湖上火車，好少有位坐架。

上車後我call Mandy睇下佢地會否一齊食飯，佢地話係佐敦食譚仔，然後佢回家睇電視 – 溏心風暴，咁我費事同佢地食了，如果唔係佢地等埋我先食飯，就一定趕唔返睇電視，心諗算啦!d人8點幾都應該食曬飯架啦!

係紅磡火車站坐小巴回愛民，係7-11換了兩支免費甜筒，跟住接到Phoebe電話問我出唔出尖沙咀同大Vicky一齊食飯，大Vicky好慘，holiday都要返工做野，重要8點幾都未收工。

如果Phoebe再一步打電話o黎，或者我未出火車站時call了Phoebe，咁我就會同佢地一齊食飯了，而家我都返到愛民了，就緊係唔會再出去lor，費事浪費車費。

9點左右回家，重可以睇到小小師奶兵團。