12-5-07(六)返8放12，1點到卓悅做facial，做到2:30，然後執番好d頭髮就坐MTR去青衣了，3:20已到達，行一行青衣城先，沿途俾渣打既信用卡sales截住，佢地今朝係一申請就做迪士尼入場券，如果出埋附屬卡就再多一送tim，我諗住出多張附屬卡俾阿媽，咁我咪有兩張入兩場券lor，阿爸阿媽就可以去迪士尼了。
3:40再行埋去青衣地鐵站c出口，浩堅、雯雯、c妹同阿坤已到了，其他人都陸續到來，最surpirse係偉仔趕唔多黎，但Mandy有黎。
坐巴士入馬灣，係橋望番落海，個海仍然係咁靚，入到馬灣，有一個新鴻基既員工同我地介紹佢地起緊o既挪亞方冬舟，同埋帶我地行馬灣公園，個公園未開只係得我地係到行，所以可以影到好多靚相，怕有人影阻住。
個公園入面有一個歷奇既設施，我都好想去玩，因從未玩過歷奇，有機會一定要去玩下先得。
6:00時有d團人包括我先走，因有事做，其他人就繼續去觀景台睇日菭。
團友佢地係早一個就上車了，我同Mandy係最尾想追佢地時又追唔到，跟住我憑直覺帶番Mandy行番上我地o黎呢既那個落車站去上車，更可以上番之前團友上果班車，去青衣同葵芳既巴士一齊到，兩架車都有我地o既團友，真係搞笑。
同Mandy上了去葵芳架車係會方便過去青衣架車，因為轉少程地鐵，同埋我自己好想去行葵涌廣場，以係讀葵涌ive時，每日都必經呢個商場，商場買o既好平好抵o架!
本身想買部mp4先走，買2GB mp4但老細只係肯平10蚊，所以都係冇買到，遲d去堔圳買會更平，自從ipod mini’’反正都幾個月冇歌聽，都唔爭在一時。
同Mandy一齊坐地鐵出番去旺角，Mandy就去油麻地，同Cindy、阿敏一齊食阿詩瑪，佢地個過橋米線真係好細碗，有d餸好可能有羊，好大o既騷味。
Cindy、阿敏話我瘦左好多，阿敏話識我咁耐，而家係最索，唉…其實之前重瘦d，而家已經肥番d了，Cindy話我唔同左様，因上個月同佢一齊傾視像電話同而家個樣唔同，可能電話太矇怪!
飯後，Cindy上男朋友屋企，我同阿敏就行去松記食糖水，我同阿敏講話我o黎緊會學車、結他同圍棋，佢話佢好記得我個結它，因為當年我為左擺結他，將自己既半張單人床都用黎擺結他，佢見我為左結他連床都冇得訓，所以好記得呢件事。