22-4-07(日)竟然聽唔到電話鬧鐘響聲，10:30先自己扎聲，有諗過唔返架!不過唔得，最多遲到，但係就唔可以唔返，如果係我未去泰澤前，我諗呢d咁既情況，我都十成會唔返lor。不過返到去教會都只係遲10min，下次真係唔可以再係咁。
同Dennis、Hazel、Winnie、Vicky chan食麻酸樂，22蚊個麵，抵呀!跟住1:45返到去團契室，我要練結他呀!
我地果組帶詩歌，都幾好，不過係我自已彈得麻麻，我真係要掟起心肝去練番結他，不過夾最後個次唱歌時，好彩結他係同歌聲夾得番。Anyway要去學返結他，唔准再懶。
今日週會題目係查經，有成22個人番，個團契室都坐唔曬d人，好耐未見過提團咁熱鬧，所以星期日開團契其實都ok。
我都比較鐘意星期日團契多過星期六，因為星期六可以free d去玩。
團契後回家執屋，我扔曬Child Care d notes，因為我十成都唔會睇番，都唔知keep黎做咩。

23-4-07(一)本來今個星期係返8:00，但同阿lo調左(因佢想早d回家照顧個女)，所以今個星期仍然返9:00，真係好，可以訓晏d，因為我係唔係都會咁夜訓，所以訓晏d有著數。起身時見到外面落大雨好彩到出門口時，d雨就冇咁大。
放工去了做gym，離開時有又個sales問我攞左禮物未，佢地又黎用呢招問人攞d friend既電話，咁我咪唔理佢照行，但去到counter時阿king同我講：「走la!」我先至望個去同佢揮手bibi，我係咪好衰呢，睇人黎應。
坐8:40免稅車回家，回家後積極打日記。