21-4-07(六)放工1:00，1:10搵表妹時佢先出門口，跟住我起行去紅磡火車站坐巴士過銅鑼灣，本來坐118係維園對面有個站，點知冇人「禁」鐘，我又冇「禁」，咁就唯有等下一個站先下車，然後再行維園過番銅鑼灣，我都好似幾年冇行番呢條路去銅鑼灣了，以前會係跑台山做完Facial行呢條路去銅鑼灣，只後去左卓悅做facial後，都好似冇再行過呢條路。

其實我1:40左右己下車，再行埋維園過銅鑼灣，點知表妹遲遲都未到，原來佢撘巴士，同埋條路好塞車，我就自己去行，本身想行吉之島10蚊店，點知原來10蚊店已執了，so就去行東角同銅鑼灣地帶，係銅鑼灣地帶間shop入面買了兩條閃石bra帶，唔知點解呢期超鐘意買bra帶。

行去糖街果邊時，見到有法輪功有遊行，佢地成個brand行先，好鬼嘈，但我好體會到香港係一個有宗教言論自由既地方，我重有影左佢地d相tim，本來諗住可以放係個bolg到，但係又驚唔知會唔會俾人拉，真係搞笑我竟然有驚俾人拉呢樣野既一刻。

2:30左右會合表妹，跟住一齊去整負離子，二人同行費$248包負離子、焗油同high light，抵就抵，不過真係一分錢一分貨，我都感覺到佢地用既藥水係cheap d，因為整完d頭髮，覺得唔係好直，同埋有d乾，不過有可能係同一時間又負離子又high light，會勁hurt頭髮。今次都係我第一次染髮，以往我d頭髮偏啡唔黑，好自然，我好鐘意呢隻色，所以都唔係需要染髮。但今日我就試左high light淺啡，果效果幾靚，d層次幾出，冇咁單調。個老細問我表妹：「果佢係你同學。」hahaha我大表妹5年都似同學，真係好，起碼個樣唔太老。今次呢個髮型係我師傅剪既，個師傳都問我係咪會玩下髮型，我都話係，因今次呢個太in了，唔係好襯我老師既形象。

電頭髮時我影左一張相，我覺得張相好搞笑，因為從未見過自己咁o既樣hahahaha!!!!

由3點整到7點3，跟住去食味千拉麵，然後去世貿打機，同埋打算去老地方麥記食雪糕新地，可惜呢個老地方亦都執了，一間有海景既麥當奴冇了，此地只成回憶。

跟住行去渣甸坊，我又係一個阿婆間鋪買了3條bra帶，今日真係short左，一次買左5條bra帶。

之後去了怡和街麥當奴食雪糕。10點左右就走，等過馬路時就見到架103巴士開走了，那我就只好快步追趕去世貿出面的那個站，希望追到呢架巴士，以我行得唔慢既速度，又點會追唔到，yeah。如果唔係為左快d返屋企練結他，我諗我係唔會咁早返屋企。

PS：今日係銅鑼灣地帶門口見有個人帶著個紙牌寫住「自由擁抱」，如果唔係之前係電腦睇過文章講呢件事，跟住世界各地d人都學做呢件事，我真係唔知佢係度做乜。

：係銅鑼灣SOGO同百利條路中間見到鄧穎芝拍戲。記得上次去Beauty forever做facial時，阿嬌同我講話鄧穎芝都係去佢地間鋪做facial，佢落妝後，皮膚不是太好的，冇計啦!明星要常常化妝。