20-4-07(五)早上9:30去了黃埔宣道小學參觀，人地學校都pro，整曬名牌俾我地，又幫埋我地分好曬組，安排我地睇邊一班上堂，小息時，我地自由行下同佢地一齊小息，係呢度令我回憶番我既小學生活，以前小息時會同阿霖同埋其他人一齊玩，玩下象筋繩、跳飛棋，無不快樂呢!而家數番轉頭，已經係13年前既事，真的好懷念。我行行下都係度諗會唔會撞到識既學生(安基舊年高班小朋友/常樂既陳曼琦)，跟住林君樂同陳成毅就主動過動叫我吳老師，中曬我所諗既野。

小息後，我同d組員睇佢小一上PE堂，識到一個痙攣協會沙田做既同事，咁佢咪同阿蒙同一個機構Lor，but佢唔識阿蒙。

睇完上堂後，返課室同頭先個PE老師傾下計，講下幼稚園生到小學既適應問題。

參觀完後，每個參觀者都有兩袋禮物拿走，一袋俾老師，一袋俾老師既學校，因為佢地剛剛是10週年校慶。送俾學校個袋禮物更多一個水晶擺設，真下落本。

放學時，朱仔媽媽話我知朱仔同佢講：「我唔識你。」我問點解?媽媽話今朝朱仔唔肯起身，又唔肯刷牙，朱仔又話我唔返學，我唔刷牙(態度差)，於是媽媽就打了他，到放學去接佢時，朱仔第一句就話：「我唔識你。」你隻衰朱，咁樣同媽咪講野，你係學校同屋企真係兩個人，係學校都ok乖，最多都係食飯慢d，返到屋企竟然咁衰格，唔怪之得舊年教你時，我同你媽咪講話你係學校好乖，媽咪話你係屋企就唔係，又發脾氣又唔讓細佬，真係估你唔到，你隻衰「朱」。
放工6:00行去家維村等官塘van去陶大，同阿蒙食金嘉利，係金嘉利撞到無明星夏萍，佢行路是一拐一拐的，行動不太方便，食完野去行街，同埋去冒險樂園睇下有咩換，跟住見有人玩擲彩虹，咁我咪又「禁」10個幣出來玩，好好彩地竟然擲中錄色，有500票，擲曬d幣都有成660張飛，今日真係好lucky。

Around9:30就行去德福，咁就當然順便等到9:30買Mrs field既曲奇同鬆餅，因9:30後有優惠，曲奇買三送三，鬆飯買二送二，Yeah明天有美味既早餐吃。

跟住行多陣就去了麥記雪糕新地，個收銀妹妹仔真係唔掂，佢「裝」雪糕時，佢個同事係同頭頂落麥旋風d粉，搞到佢成頭粉，跟住個收銀員將佢帽上d粉向下撥，撥曬落杯雪糕新地到，唔係怪，咁我點要呀，我個表情應該係好愣然，我估佢見到既，跟住佢係我面前扔左杯雪糕，想再重新「裝」一杯時又發覺冇曬雪糕，於是佢叫我轉頭黎攞，我再轉頭去攞時，個經理問我係埋爭野，我話係，經理問邊位同事爭我，我指番個女仔時，佢先話係呀爭雪糕，呢個時候個經理先去「裝」，挨….又係要等。