7-4-07(六)11點左右大家醒了，又打左陣牌，12點去還匙，然後行下南Y島飾物鋪。
坐船出番中環，落船時見到有d人會拖著d狗仔係到排隊等上船，原來狗仔係要坐下層既，跟住有個女仔同我擦身而過迎面行入黎，我覺得佢個妝都他得幾靚，唔通係明星?出閘後，見到有攝製隊，咁我頭先見到的那個應該係明星了，我地幾個再企係到望，得個女仔行返出黎，佢地話佢那個係應采兒，oh…原來我見到應采兒都唔認得tim。
跟住我地去了酒樓飲茶，由Mandy佢地做番老細。飯後一齊返團契，坐104巴士，係巴士訓著左，累到唔想下車。
團契上京士柏，沿路上山大家都唔講野，並默想耶穌既苦路。
團契後佢也行返教會，我就回家沖涼洗頭，準備今晚去香港大會堂美心酒樓飲張姑娘個餐。
我成8點先出門，去到8:45，入到美心酒樓時，見名單上常樂有阿梁同阿蕭黎飲，再入大堂時，見唔到有新人影相，死啦!唔通係自己太遲錯過曬d影相時間，去到12號枱時，見到黃太(以前保良社會服務部總幹事)點解我會同佢一張枱架?我坐正佢隔黎，佢同埋d 校長及其他既ST都唔識我，以為我係新娘既同學，張枱只係坐我對面既阿蘇識我，同佢點頭打招呼。其實黃太記性好好架，佢會認得以前既worker，不過可能我入職時唔駛見佢，同埋我只係d up得園到做，加上係常樂時，佢都只係同我講過一兩句野，所以唔認得我(咁都係一件好事)。
我打電話俾阿梁同阿蕭時，先知佢地唔黎，撞鬼咩常樂只得我一個，悶死，重要阿蘇見到我後就則問我：「你做咩講我壞話。」(因佢知我而家係安基做，就係佢以前曾做過的學校)，我話：「乜我話識你都係壞話?」跟住電視播新娘同新郎既相，咁我就睇電視，唔駛再理佢了。(我從而家既同事口中得阿蘇以前既做野狀況，佢同我d同事關係唔好，所以我d同事無理會同佢聯絡，佢話我講佢壞話，都應該係佢自己亂說，想chop我講野。)
我問番坐我隔黎個ST(言語治療師)，先知佢地7:15來到都未影相(好彩我冇咁早你，如果唔係會悶更加耐)，到新娘佢地敬酒，我先有機會同新娘子與及其他人一齊影大合照。
由於一直都未俾人情新娘子，所以我要飲到最後，等新娘佢地企門口送客，我先有機會同佢講兩句野同埋俾人倩佢。
以後我唔可以再一個人去飲，會悶死人架!