5-3-07(一)我班仔今日只返了9個，7個病假，我去同校長講我班仔好多人病假，順便講埋有幾個係發燒or感冒，我擔心係我自己傳染俾佢地lor(講真架!)
跟住校長話佢唔擔心d家長會話係我傳染俾d仔wor，佢認為班主任唔係度請病假，會影響d仔既學習進度(但呢樣野係可以追得返lor)
我話上星期我聲沙同眼紅，都有家長見到，家長咁問我係係咪唔舒服，我話係，而家又有咁多人病假，點知d家長會點諗。(事實真係有咁既可架!)
我同校長講上星期五隻眼唔舒服，我都有照返工，係d同事見到隻眼唔多掂，把聲又咁沙，先叫我走，我都有為班仔著想架，我都有返架!(你而家就係度話我請病假，唔顧班仔既學習進度。)
跟住校長話我唔係唔俾你請假，我最後都有俾你請假，我既意思係你既眼睛容易發炎，睇下有冇d方法可以避免，言下之意，又係針對我對眼，我都係同佢講，我對眼係容易發炎，我都冇辦法。
但係我覺得在於家長角度o黎講，會繄張d小朋友既健康多d，老師冇返幾日個小朋友會學少野，定係小朋友病左要食藥冇得返學，兩者相比下，我會覺得d家長寧願老師病唔返好過傳染俾人lor，呢d係身教。