31-12-06(日)今日係除夕，我同phoebe、阿魚一齊去diseyland玩，10:30起身，本來約12:00係荔景地鐵站等，但phoebe出門口前相機未插電，於是改到12:30，好彩我未出門口，可以係屋企hea多陣先出去，`我盡時12:30時，個兩條友又遲到…，唉…。阿魚黎到講番佢頭先係麥當奴食野時，係個袋樽水溜曬一半落個袋到，所以遲左黎，真係慘。
1點左右入到迪士尼，剛剛好見到花車巡遊，跟住去玩排隊玩遊戲，d遊戲可以攞fast past，係預定時間內先去番果到玩，唔駛排咁長隊，真係好方便。
首先玩巴斯光年既激光槍，都ok wor，其實我眼界不嬲都唔係咁好，但係今次係呢到我有玩到，重成日都射到d箭靶，我射到成429800分，屬第L5，都唔錯架。
呢個space mountatin係最好玩，先坐係架列車到，然後進行一條黑漆漆既隧道，伸手不見五指，好好神秘，好好feel，好似有時光隧道咁，出隧道後，四周只有橙色燈發出既光，唔係好望到四周，但feel到架車係圍著個圓形向去駛，跟住去到某個位重會同你影相tim。總之就好好玩啦!
跟住去公園仔到搵高飛狗、winnie the pooh影相，隻高飛狗會同人玩，幾得意，佢一路影相一路搞我個頭，我影完相時，我都有拍番佢個鼻。
下午3:00到，我地一邊排隊等Mickey金裝劇場，一邊望下d巡遊，巡遊d人跳舞跳幾好睇，都幾值得欣賞。
到4:15就睇Mickey金裝劇場，呢個show一流，d人跳舞好好睇。完show前重有好多花炮既紙碎紙條從天而降tim。
望開時，phoebe話見到陳法容，重有幾個護衛護送。跟住我地去攞獅子王既fast past，然後去食野，行去食野途中，見到陳啟泰一眾亞視藝員迎面而來，因為今晚亞視會直播除夕倒收。d野食都唔係好貴，$40都有一個雞籃。食完野就去大街等亮燈儀式，我同阿魚更同謝雪心個女珈穎一同影相tim。
大街同聖誕樹亮完燈後，都有飄雪睇，但唔係太多雪，效果麻麻。
去睇獅子王時，表現中途突然停左，真係唔唔到咁都會有故障。
後來再去玩winne the pooh時，本來就黎到我地玩，點知又再發生固障，工作人員俾張飛我地，叫我地睇完煙花先再黎玩過，真係慘，今日咁多故障，阿魚直頭可以叫禍不單行，一日三單。
8:00睇煙花，我都係第一次係現場咁近距離睇煙花，都幾好睇，有時光得濟唔可以直望tim，不過有一對父女企係我地係面占叫得好糟好大聲，真係耳膜都穿，我一定唔可以俾我d小朋友咁樣大叫，咁叫法唔喉嚨痛就假。
睇完煙花行返去winne the pooh時，發覺史迪士冇乜人排隊，我地即刻入去排隊玩啦，迪尼士幾好笑，即時對話，有d大陸小朋友唔係好識英文，佢就係轉chanel用國語同佢地講野，如果我地睇既係中文版相信會有更多好睇既gap。
之後再去玩返winne the pooh，其實winne the pooh又唔係話好好話，坐住隔車係度行，不過入面d公仔都幾靚，用黎影相都唔錯。
跟住去下行街買野，等時間過，原來咁樣等都幾辛苦，11:00就收到細佬電話同我講新年快樂，我話未夠鐘wor，佢話佢而家係日本啱啱新年，我話你係日本城炸。同佢吹左一輪水後，再行多陣，就去等倒數，呢個時候，廣場已經有好多人了，見到陳法容同朱茵係到講呢刻感受，証明下午時，phoebe見到那個真係陳法容。
呢到好多人好熱鬧，對上一次又係咁多人咁熱鬧倒收時，應該係1999年既除夕夜，個次同表妹、阿媽同鸞姨一齊係維園過，不過係倒數時，咁啱我同表妹行開左，我重好記得倒數剩番1秒時，我係度諗呢個係呢個1999呢個世紀既最後一秒。原來已經係7年前既事了。
倒數完，再入商店買下野，我都好忍得手，一樣野都冇買過，good，之後又撞到朱茵tim，佢都唔係高，個樣都keep得唔錯。
12:45離開迪士尼，出番旺角食野，食潮州打冷，跟住回家了。