20-3-06(一)返8:00，放5:00，放工繼續預備明天實習d野，7:20離開，回家食完飯後，繼續用絨布縫明天實習要用的教具。整到12:30就睡覺。

21-3-06(二)今日視導，導師到9:00都未來，一直到9:30都未來，我係度諗係咪個老師唔記得左，最好唔好咁啦!再過期會好煩，反正我又準備好曬，係大概9:45到佢來到了。
本來我個組小朋友有10個，但係今日只得7個，有3個冇返，重要係三個叻既冇返，唉…，幸好剩番係度的都好乖(其實我本身那組的小朋友都乖，只係有2個叻的，有時會做d使人激氣既野，例如：拍枱、專做反調既野，但頑皮極有限)(乖係因為佢地較為細同埋被動)
上堂時出現小小技術問題，就係個窗簾落唔得曬，因為阿審係個控制窗簾既繩上挷得好實，我解唔得開，所以個現場環境不是太黑，所以用電筒show影子都唔係太清，但我d小朋友也能清楚說出，所以上堂尚算順利，導師也讚我今次做得比上次有進步，但係係上音樂堂同大肌肉活動時，因為空間太大，小朋友容易唔集中，分心，所以呢兩堂麻麻地。本來導師係唔駛睇大肌肉活動，最衰都係校長，明明同佢講叫文員帶一帶我班仔，等我去同導師傾計就ok，咁當時校長又話文員有野做，叫我將d小朋友俾曬我個partner睇，佢都傻既，那時我partner有成16個仔，如果俾我導師見到我更把7個仔俾埋佢，到時1:23咪好離抱。結果導師就睇埋我帶大肌，由於大肌係我預備俾佢睇之外，所以準備當然比不起另外兩堂，不過算啦!合格咪得lor。
由於導師趕唔切填曬視導o既分紙，所以佢話今晚我返ied時，夾係點名紙俾我，我簽完名先俾返佢。
終於完成視導，可以鬆一口氣。
Lunch後就開始整門口ｏ既展板，預備Open Day用。
今晚返學又交埋促進兒童健康與社會性發展的功課，放學坐18號回家時，巴士開得好快，想嘔。

PS就係整呢個展板，個底色真係好Ugly，冇計校長慳錢，唔想買新，係要我用曬d舊野先。