25-2-06(六)放工後，去旺角教協會合瑩瑩，跟住去銀城的熊本食下午茶，然後再去行女人街同花園睇，睇下有冇d動物的模型(for ied 老師來視導，佈置課室角落用的)，係女人街見到有得買，不過貴，冇買到，好好彩地去到花園街那頭的弼街有兩間專買玩具的鋪頭，有得買，我就係呢度買了2袋大的動物模型【其中一袋當然唔少得我視導時的主題 – 狗 (模型) 】和幾隻獨立包裝的狗模型，將來要買玩具/教具，我知要去邊到買了。
之後繼續同瑩瑩行新世紀，會合Alan後，就去了買燈飾，因為瑩瑩話坐車時，見到呢間鋪頭執粒清貨，所以入去睇去，佢買了一盞for天花板用的燈，係佢俾錢時，我見到有盞床頭燈都幾靚，其實我一直都想係床頭整眼燈，因為我睡下格床，黑蚊蚊，有燈就可以係張床到睇書，同埋我以前細個時，張床都係有燈，可以lay係張床到玩家家酒遊戲，整番盞燈，可能會俾我感覺番細個d感覺，而眼都盞燈都只係around 100蚊，唔算貴，所以我都買了，佢老細話有新的，俾了另一盞燈我，點知…
晚飯，我地去了雅蘭對面商場五樓的新加坡餐廳食，呢間野冇乜人，環境ok清靜，野食一般，係旺角搵唔到位都可以黎呢到(hai)下。