25-12-05(六)
9:30Alex駕車來車我同阿霖去中大影畢業相，佢先車我地去土瓜灣食早餐(粥)，跟住行大老山隧道過新界，起初Alex行了去一個假日不開的入口，之後再行去山那邊入。佢地今日帶埋小白去(一隻惡犬)，一見到陌生人就吠，其實係佢因為驚，而出於自衛的表現，而且重咬我隻腳tim，隔住條牛仔褲都感覺到佢d口水，太過份了，(搞到我之後係街見到狗，都有d驚俾狗咬的感覺，好彩!呢種感覺好快消失)
阿霖終於都畢業了，同佢影相時，想起以前六福珠寶的一個廣告(楊寶玲和她的朋友畢業時送珠寶的那個廣告)。

大概12點，佢地車返我到安素堂，我上去同今年洗禮的團友影相(家媛、阿勝、寶文、Edmund，Christ)，之後飯都冇食，在2點前去了九龍堂，因為會幫魔術隊表演魔術，與其它隊員認識了之後，有個叫阿芝的女仔，佢話我好熟面口，我話我地以前一齊學魔術，見過的，一定熟面口，後來各自介紹時，先知阿芝同我一樣係幼兒工作員，重要一齊係保良局到做，原來我地係同事，以前有d職員大會、分享會，可能會見過下，所以唔怪之得會熟面口啦! ：P

行去表現場地時，有一個九龍堂的會友，問我係咪華英，我話係，原來佢係師姐- Ive，其實，我對佢個樣都有d印象，估唔到對方亦然，咁無端端都識多左個人tim。

今次應該係第二次表演魔術了，我只負責表現方向牌同繩那part，不過今次表演實在太多觀眾了，好糟吵，只有前排的小朋友才能聽得清楚，同埋d小朋友年紀太少，呢套魔術對佢地黎講，可難不太適合。(其實表演都幾好玩，將來還有機會的話，我都會參與。)

之後返了屋企，夜晚阿霖來了愛民搵我，我地一齊行落佐敦，本來諗住去食paris coffee，但係佢係聖誕節時的晚餐貴了很多，不太抵食，所以冇去，其後去了嘉連威老道的元祿食壽司，係等位時，見到一個帶黑超的人很像明星單立文，但睇真d，就當然唔係la!

食完野，由尖東行返去黃埔的家維村，那時已差不多12點幾，等緊8號van時，Alex打來，佢黎車我地返屋企。