1-10-04(五)紅假，留係屋企睇vcd(我最大o既娛樂)，還記得一年前o既今日，朱蘋蘋來了我屋企同我一齊睇哥哥o既霸王別姬。

2-10-04(六)今日團契選職員，起初我同團友仔講話會玩遊戲，就係俾張紙仔佢地，叫佢地寫下團友仔o既優點，適合做咩post，點知D人話我(握)左佢地，呢D唔係遊戲，空係唔好意思，下次我會諗得好D架啦!

要mandy多謝你讚我個人無無聊聊，最啱關懷，因為多野講(雖然唔知係咩Y理)。

晚上同表妹去了尖沙咀O既小圓山食飯，可能曾經去過台灣，所以對一D餸名，好似好熟悉，知道係咩黎。

飯後一齊去行星光大道，我同表妹用雙手周圍按，睇下同名星對手爭幾多!有時重係度問，呢個係邊個黎架!乜佢未死咩!

係O個度重有好多人係度彈結它，表現才藝，都幾有氣氛架，呢度真係一個唔錯O既新景點。

PS今日行街時聽到一首我好鐘意o既英文歌(係富豪海灣劇集出現過)，我表妹話俾我聽呢首歌係陳慧琳唱叫love paradise。