18-4-04(日)實在太累太累，挨得好累好辛苦，但重有個行動研究未完。今日都好可以睡多d，睇陣電視，再改埋份行動研究同powerpoint。

20-4-04(二)明天就行動研究，主任今日先''份野出來俾我改，放工後留係園馬上打份行動研究俾佢，7點幾先走。

本來今個週會係我個組負責，但成組係今個星期只有我返到，咁又點present，事實我地個組係預備得遲，又好好彩地小樸肯幫我地帶查經。

但又好唔好彩地，今年係團長一職，原來係要受氣既，我有事冇返團契幾個星期係要俾人話既，關心都冇句，cell group得一組work，其它組出問題就係我唔好，要'咩鍋'既，得啦你叫得我自己搞'點'，我冇指望到你會同我一齊去解決問題，我會學識找d幫到我既人去幫。

21-4-04(三)一直想番作晚既事，好難過，好心痛，今日要做行動研究既present，都冇驚過，可能份野係自己整，知道自己需要講d咩。

present本來話2點至5點2，點知overtime6點2先走得，上頭冇讚過人，也冇彈過，對於我來說，這已經夠了，終於完多一件事，但手頭上還有更多更多既事未做。

為昨晚既事找個一個人係電話到傾，佢都教番我係轉週會那件事點樣安排會更好，佢話我可能對話我那個人有誤解，可能佢指既叫得我自己搞'點'係指週會，而唔係指cell group，我想或許係我同那個人既溝通出了問題'掛'，呢個電話中我係忍住忍住想哭。

但後來我又同另一個人傾電話，得知話我那個人所話既事真係指cell group，係呢個電話入面我終於哭了，我竟然係被人利用來出氣，我好難過、傷心同失望，但團契有問題，我係唔會唔理，我會先了解個問題係邊到先，呢個時候唔係搵人去問責同出氣，人地要我自己搞'點'，我一定會找d幫到我既人去幫。

半夜熱醒，想番這件事，又哭，要訓覺架，6點半就要起身，唔夠訓唔得架。

22-4-04(四)今朝起身上慈雲出跟校車，7:38只見3C巴士，唔見203E，點都要上車，都有驚過失車會遲到，呢個月上慈雲山跟校車都未坐過3C巴士，雖然通常呢兩部車係同時間到逹旺角我等巴士的那個站，坐203E落車後重要行，而3C到門口，但3C繞路會耐d，所以都唔係太敢坐這部巴士，唔想一路坐車，一路驚遲到，但今日7:38都未見203E，那當然坐言部車，博一博，係去到慈雲山山腳，見到203E巴士係我部巴士前面，那應該是203E呢班車遲左好耐先到，幸好我坐的這部3C係到門口，入園打咭8:12，冇遲到，重有3分鐘先夠鐘。

其實一路坐巴士，想這件事，都成日想著想著哭，到逹慈雲山間園照鏡時，發現右眼唔見左雙眼皮，可能哭得太多了，帶左CON接近5年都未見過自己大細眼，即刻用手指輕輕掃番個眼皮出來。

放工執埋d教具5點幾先走，回家途中同回家後都有同人'慎'過呢件事，之後心情好d。