咁就過左九日半了，依九日半做過d咩呀，等我假期前一日開始講啦，話說放假前個個星期六即係5號個日，公司食春茗，諗住好開心啦，點鬼知有批急貨要出，但又唔知用咩寄喎，整左鬼咁耐終於話用日新啦，仲要我係公司成個傻仔咁等左成個幾鐘，又無帶電話，位都唔敢行開，好喇終於老細話我可以走喇，有咩先再打我手機，一心以為無左好開心咁返家大掃除啦，好喇~衰左喇~想出門口去春茗個時，老細打來~頂，我都知唔方好野架喇，唔知原來咁衰姐，個客突然又話想寄DHL，覺得DHL最快喎，嘩~唔係呀~D貨上左車返緊香港喇喎，而家點改呀，唉~~無計啦，打比日新轉啦，我都知仆街架喇~唉~~好喇個運輸應承送去長沙灣，但邊個去收d貨呢?!好黑好黑，好明顯我老細係想我去收貨同寄左d貨啦，ok!!!我去!!!去到春茗食飯個度，食完曬飯喇~架車都仲未到香港，洗唔洗咁耐呀?!個時已經十一點喇，無計啦，都要等~~最後好彩都有人陪我去，好多謝你呀!!!最後我地等到十二點幾架車先到，跟住老細又打來，話客話唔寄喇喎，d貨送返公司啦，好!!!!!!!!!玩左一日最後都係送返公司，玩死人!!!累到仆街咁返屋企，第二日仲話去澳門架ma!!

玩左成晚一訓醒我同豬豬緊係要繼續實行我地既計劃啦，我地是旦食左d野就出發去澳門，到步已經四點lu，我同豬豬返酒店落底左d野，就去左一處唔記得咩名，但係見到曬澳門既地方，跟住去左大三巴，行街街買手信同食野，行下行下比我地行左去萄京賭場，本來話夜晚唔好去的但既然行去就緊係入去睇下啦，入到去覺得地方好細，裝修既唔靚，人好雜，我地行去大細台到，嘩~好多人呀!!玩下大細都要二百蚊，貴左d喎，我同豬豬睇左好耐都唔敢玩，後來落左樓下拉老虎機，都唔洗十分鐘就無左一百蚊，後來覺得好唔甘心上左去大細台買大細，我同豬豬睇左好耐好耐，最後豬豬決定買大，嘩~中左呀!!我地一中左就開心咁走左落下層，喂~兩百蚊咋喎，哈哈~~d人覺得我地好似傻既咁，落左樓下，原來仲有一部玩大細既機架，最細可以買三十，點數可以買十蚊，咁樣平好多，又好似打機咁兩咁大壓力，又無咁多人喎，我地兩個三更窮五更富咁，大上大落(其實講緊幾百蚊)，最後服務生教我地買全圍，買左都有十幾次架，終於中左喇，嘩~開心死我地呀，加上之前win左成八百蚊架，哈哈~~win左八百蚊之後，我地去左大三巴左近是旦咁食左d野，但幾貴呀，好唔抵食，食完左就返左酒店訓覺覺lu。個晚我發左兩個夢，第一個我爸爸去左賣鴨蛋，第二個我豬豬去左賣喎，嘩~我記得上網睇過發夢到人死就係吉，我同豬豬決定再去過"萄京賭場"，入到左我地又睇大細，豬豬買左兩次，無左三百，我地都好灰，後來我決定要繼續，因為昨天win八百，而家無左三百，咁都仲有五百，好我就買五百大，嘩~幾鬼驚呀!!!好彩我地中左咋，唔係就慘喇~~個二百蚊我地落左樓下玩大細機做本，又係三更窮五更富咁，最後由千二蚊，變到零。我同豬豬又再一次好唔甘心咁，兩玩二百，終於比我地又中左全圍，最後最後我地兩日加上一共win左千幾蚊，成個澳門遊免費，仲買左支萄酒同雪茄。哈哈~黑仔完真係會好彩返的~

玩左兩日，係香港休息左日，第二日大年初一就要去仙遊，哈哈~仙遊其實係地方名來的，係福建係豬豬鄉下，我地係個度住左三晚，一晚係車上訓，依個旅程真係非常驚險呀~有一日我地上山喎，點知山左去無路落，要佢表弟開路比我地落，中間一下，係要兩米高跳落去，一唔小心跳錯位就會跌落山，好危險，不過好彩個個都無事，不過返來個時呀~嘩~我地架旅遊巴碰到架電單車呀，等左成兩個幾鐘先話轉車，真係頂頂頂~最後坐左成十幾個鐘先返去羅湖，激死人!!!返到家沖個涼我同豬豬仲有佢d親友去左西貢出海釣魚...............................................明天繼續