嘩~成兩個幾月無來過喇，應該話無update過，最近兩個月實在太忙喇，一邊忙住結婚啦，另一邊返工又越來越忙，不過總算所有都過了。話咁快我就已經做左人地老婆，而家我身邊多左一個老公、一個阿爸(老爺)、一個阿媽(奶奶)、一個阿哥(大伯)、一個家姐(大姑奶)，不過我同你仍然都係最細個個唔洗照顧弟妹。之前未結婚成日諗結左婚會點呢，生活會變成點呢，身邊多左咁多人會點呢?我而家知道了，係無咩分別架，可能我比較好彩啦，可以同你兩個人住，有二人世界，唔洗話咁多煩野。老公我好幸福呀~~~~~~~~兩個人既生活-----我應該點去形容呢?! 我會覺得係好多野要學，好多野要體諒，亦好多家務要做，但每樣都係開心既，雖然間中的確都會有唔開心，但係開心既比唔開心多好多好多。唔開心極都係見到豬豬你個無反應加無心機既樣姐。哈哈~最近一同媽咪講電話就ee唉唉，

佢每次都會問: 係咪老公對你唔好，係咪老公蝦你呀?!
我每次都會答佢: 唔係呀，老公對我好好呀，我地相處得好好，好開心，只係返工好辛苦覺得好煩咋
佢好快就會問我: 咁係咪就快比人抄呀?
我: 唔係~~~
媽: 唔係咪得囉，又唔係無工做，又唔係老公對你唔好，做咩仲要EE唉唉~

道理我明，但......

待續...