2024-09-27 12:58:37Tong-îng Lîm
台語連紲講20分鐘「講袂到」——欲按怎？
台語連紲講20分鐘「講袂到」——欲按怎？
台語連紲講20分鐘「講袂到」——這若是事實，無論是:「無相信，毋敢相信！那會按呢？怨嘆！後悔！欲知早就按怎！-----」這攏袂赴矣。
事實就是事實，咱就面對！今仔日就開始來講台語！
而且一開始，一工至少用20%的時間來講台語！一直講落去、莫停睏，三個月後你才來看有效無！
「若有想欲做！」一工用20%的時間講台語，應該毋是困難的代誌！
頭起先用20%，講一段時間了後才沓沓仔來提懸，到尾仔的目標：當然是100%全時間的台語！
講台語、繼續講的同時，你著開始：學台文，看台文的文章，看台文冊，聽台文有聲冊、Podcast、Youtube，參加台語文的社團、面冊、讀冊會等等台語文的活動，當當你講台語拄著困難的時，就揣有人、有所在通請教！
講台語、捷講、tiû-tiû講、繼續講的同時，請你「用台語思考」！就是「頭殼進入台語文mode」！
（敢有聽過：講中（華）語的時，頭殼底是用「台語」思考的人？）
（240924Tong-îng）