2009-04-27 18:33:55夢夢貓主人
關於電影
以前的自己，很少去看電影，多數都會係電視播既時候先會睇下甘。屋企有好多影碟，但都懶得去睇，就算睇，都好少好專心甘睇(行去廁所呀、搵下野食、聽下電話......)
近幾年多左去戲院睇戲，因為視覺同聽覺既要求都吾同左，而且係戲院，除左睇戲，都係睇戲，吾會分心(除左人有三急)。
地球毀滅密碼 (Knowing)
主演：尼古拉斯基治,露絲拜恩,查勒坎特伯雷
內容大概係講主角(基治)，係偶然既機會下發現左一張寫滿數字既紙，然後推出了數字內容竟然係有關地球毀滅既消息。如果你個人好灰下既，就吾係好建議你去睇呢套電影，因為睇左，真係有機會走去C左佢，原因係紙上面既密碼係一個警告，亦係一個事實，就算你推算到係邊到發生，會有幾多人死，你都無法改變會出發生呢個事實......睇完個心好實，心情都好沉重下。套戲吾係吾好睇，只係佢講既野真係太令人吾開心啦，如果你想做定世界末日既心理準備，甘你不妨去睇下，如果吾想吾開心，都係放棄佢啦。
內容大概係講主角(基治)，係偶然既機會下發現左一張寫滿數字既紙，然後推出了數字內容竟然係有關地球毀滅既消息。如果你個人好灰下既，就吾係好建議你去睇呢套電影，因為睇左，真係有機會走去C左佢，原因係紙上面既密碼係一個警告，亦係一個事實，就算你推算到係邊到發生，會有幾多人死，你都無法改變會出發生呢個事實......睇完個心好實，心情都好沉重下。套戲吾係吾好睇，只係佢講既野真係太令人吾開心啦，如果你想做定世界末日既心理準備，甘你不妨去睇下，如果吾想吾開心，都係放棄佢啦。
崖上的波兒
導演：宮崎駿
動畫大師既片，都吾會話去到非常吾好睇既，故事係同童話既“人魚公主”一樣，都係講係海裡面既人魚喜歡左陸地上既人類。呢套片俾我既感覺好似歲月的童話，緊張刺激就一定無架啦，淡淡的味道，都算得上一套很舒服的動畫片。
(p.s.未睇電影都聽佢既ringtone聽到厭，因為實在太多人都仲意佢既“波兒、波兒.....”)
超級零零狗 (BOLT)
製片：Walt Disney Animation Studios
一隻由細到大都俾人收埋係片場養既狗仔，一直以為自己係隻超能狗，一日意外既走失，令到佢終於知道自己只係一隻好平凡既狗仔......睇佢學做返隻普通狗仔既過程，真係搞笑到C。就好似平時既Disney大片一樣，更係有一個好結局啦。依家既動畫片畫功越黎越真...好靚，真係勁呀。
大搜查之女 (Lady Cop & Papa Crook)
主演：鄭秀文，陳奕迅，張國立，葉璇，董勇
好典型既港式笑片，吾係好明點解佢要用個甘既名，anyway套戲都算不錯。有些事情，除了親眼見到，亦有需要一定既解釋，眼見並不為準。以為是好人的，可能係一個大壊人；以為是壞人的，可能會是一個令你明白真理既人.......導演搵角都好入型入格，杜文澤依然搞笑，最搞笑係盧覓雪都係笑得之人；sammi演既傻大姐同以前既角色分別不大，eason近來拍既片好似都同黑社會分開吾到......一套輕鬆小品，去吾到戲院，買返屋企睇都ok。
魔法天書 (Inkheart)
主演：班頓費沙,伊拉莎賀柏貝拿,保羅貝達尼,海倫美蘭,占伯班特
想睇呢套戲，係因為班頓費沙，佢既魔幻系列，真係套套都好睇(個人認為啦)。
故事係講主角(班頓)係一個好叻修補及訂裝書籍既專業人士，有一個很美滿既家庭，但佢吾知自己係有魔法舌頭呢項異能，能將故事書內的物件，用“口”講出來。因為一本書(inkheart)，將可怕既壞蛋帶到現實世界，仲有自私怕死既火人等，最慘的是因為書本內的人走出現實，就要在現實裡帶走一樣物件，所以主人翁的老婆就此失蹤.......
個人喜歡睇一d科幻/童話式既故事，呢套真的好好睇，究竟個結局係點，自己睇下啦，值得一睇~~
愛到底 (L-O-V-E)
【三聲有幸】 導演：九把刀
演員：范逸臣 賴雅妍 莫子儀
【華山‧24】 導演：方文山
演員：藍正龍 劉心悠 柯有綸 田中千繪
【幸運】 導演：陳奕先
演員：曾愷玹 阮經天 葉安婷
【第六號瀏海】 導演：黃子佼
演員：周采詩、棒棒堂王子、模范七棒 (阿本 毛弟 小馬 小祿 李銓 鮪魚)
睇呢套戲，係因為小綠既邀約，近來呢類由幾個短片組合為一套電影既片，都算得上滿多的，日本、美國、香港、泰國....都有。呢套片比想像中好睇(3比1啦)，台灣既片，多數都是唯美感的。
(三聲有幸)如果我係入面主角，我一定吾會甘做，因為明知個人已經走左，你仲搵一個相同聲音既人，每年定時打俾自己深愛既人給予安慰，聽落好似好感人，但其實係對在生既人的一種殘忍，如果係我，我寧願慢慢學習接受，如果一直都收到已故愛人聲音既電話，仲要係安撫緊自己，自己又點會識得接受現實同放手呀.....
(華山‧24)其實真係吾係好明個戲名，同個故事完全聯想吾到，不過都係一個好touch既故事，不過甘巧遇既結局，真係要有好重量既緣份囉。
(幸運)4段片個人認為最吾好睇既一套，因為真係吾了解佢講緊咩.....可能我吾係替身演員同空姐啦.....
(第六號瀏海)真係笑到痴左既一套戲，當然，好睇吾好睇都係好個人既，可能有d人覺得好低能啦....套戲入面講既靠pu瀏海而去決定自己既真命天子，聽落好似好無聊，但我信有好多人係相信而去照做........ 整體黎講都係一套睇得過既電影，不妨租黎睇睇啦!!
荒失失奇兵2 (MADAGASCAR 2)
因為第一集太好笑啦，所以第二集上左，就更係要繼續捧場。
都係承接上集尾聲講佢地離開左無人島後，本來想返去美國，點之因為飛機失事，一行人(?)竟然去左非洲，係個度，大家有吾同既遭遇，好似呀力竟然搵到佢既屋企人、歌莉亞遇到俊男(?)、馬提有一大斑分吾到係白底黑紋，定黑底白紋既斑馬群，仲有變左醫生既邁文....最吾少得就更係搞笑到飛起既企鵝大佬，今次戲分仲加重左添，證明佢地好受歡迎。睇個勢都有機會有第3集既，真係幾期待架~~
梅蘭芳 (Forever Enthralled)
導演 : 陳凱歌
主演 : 黎明,章子怡,孫紅雷,陳紅,王學圻,英達,安藤政信
套電影係講述“梅蘭芳”呢個傳奇人物既故事，講真，之後睇返真人既圖片，講真，一個男人可以做到花旦，佢既女性特質一定好出，不過未睇過佢真人既片，無野好講。
講返電影，老實講，雖然係黎天王掛帥，不過我真係覺得演少年版個位青年人仲出色過佢，文質彬彬佢有呀，不過演花旦.....始終係謝入面見到佢花旦造形真係吾多，青年人好得下，吾講真係以為佢係.....基架。套戲其實我無唸過睇，只因為有免費飛，都好在有免費飛，自己俾錢睇既話....只可以講句，我真係吾識欣賞呀。
吸血新世紀 (Twilight)
導演 : 嘉芙連赫域姬
主演 : 姬絲汀史超域,羅拔畢迪臣,彼德法仙里尼
完全中曬我最buy個類形，所以好迷甘因為想知佢地既結局，係甘網上搵，買埋小說慢慢睇。戲名講到明“吸血新世紀”，故事就更係講吸血彊屍啦，一班所謂既“食齋”吸血彊屍(其實指既係吾吸人血)，因為其中一人愛上左人類，而佢為左吾想個女仔變埋吸血彊屍，做左好多野想保護個女仔......故事只係成套書既小部份，因為佢既人物，佢既新概念(好似食齋甘)，真係搞到我好想追落去.....haaa 個人好迷既一套mov，不過介紹左俾朋友睇返黎既feedback 都吾似我甘走去成套書買，所以都係個句，有興趣，咪睇下囉。
乜都得先生 (Yes Man)
導演 : 彼頓列特
主演 : 占基利,素兒達莎妮,泰倫斯史丹
久違了既占基利，睇左好多佢既正經片，係呢套戲，佢又返到“變相怪傑”那個模樣。有人喜歡，有人不喜歡，雖然好似返左轉頭，不過我其實鍾意呢個形式既占基利多d，或者係先入為主，就好似星爺甘，我都係鍾意佢以前古古惑感扮傻搞笑既佢甘。
內容就好似片名甘“Yes Man”，咩都只會say yes 既男人，就係因為甘，搞左好多騎里野出黎，人係不愉快或逆境既時候，仲會好似戲裡面既男主角甘，依賴某些野去尋找好運，到底係真係甘容易就有好運，又或是一時好彩，其實都係睇你重那一個角度去發掘。生命中，常有起有趺，這樣，才叫做人生。