其實今次既旅行，真係好怱忙，想係有限既時間，睇最多既野，所以全程聽到最多既口號係.... Speed Up~~ 問你笑C未!!

一早起來，享受了一個美味既早餐(係邊度食?咪KFC囉!不過呢份早餐既內容，香港係食吾到架~)。接住就往今日第一個景點，全世界最大之摩天輪進發(到現時為止)。

可能因為工作天的關係，又或者時候尚早，我們去到既時候，坐摩天輪既人吾係好多，就因為甘，我地3個人就可以包箱甘坐平時要載20-30人既摩天輪。

除左全世界最高，我唸佢都係最慢既一座摩天輪，佢慢既速度，就係係路上面你用正常速度甘行路，你係吾覺佢郁緊，就算你停係到，你都要定定甘企先睇出佢係郁緊，真係勁......慢。不過如果身處係摩天輪上面，就更係想佢有甘慢得甘慢啦，可以慢慢玩，慢慢睇呀嘛！

老實講，對於有畏高既我，最享受既位置，就係佢開始降下時開始，之前....真係乖過小學生呀，坐係到郁都吾想(敢)郁，真係好驚下架。不過如果你有膽量，你可以行埋玻璃窗處四圍睇，佢既view真係好靚，360度無阻擋，加上個日天氣好好，睇咩都特別清楚，所以我就更加驚啦，嘩哈哈~~

離開摩天輪，本來打算去Esplanade Mall既“Max Brenner Chocolate Bar”一嘗不同款式既朱古力，旅遊書話佢11am開，點知原來係12am，無緣一嘗既結果，就係向下個目標出發，目的地係 Marina Square 既“Giant超市”點知...摺左，到底本旅遊書有幾update架....唉~~

就甘，連miss2個目標，跟住去既，就係曹既家鄉(哈~講下笑啫)，Little India。【據說，係好耐好耐以前，有一位爵士航行至新加坡定居，隨行有多名印度助手和士兵，他們是新加坡的第一批印度移民，從事各項建築工程，如道路修築等等。之後，因為經營牲畜買賣的商人也引進大量的印度勞工幫忙飼養，再加上歐洲人修築賽馬場也需要人手，以至更多的印度移民來到新加坡，而工作地點就鄰近現在的Little India，漸漸地，這裡就成為印度人的聚集之處....】 而事實上，除左華人，印度人係新加坡，可謂無處不在，係邊都總會見到1-2位。

可能係天氣，加上環境(係Little India，生活係度既人可能都係比較貧窮的)，所有有冷氣既商場全部欠奉，加上某種印度人獨有既味道，於是，大家在逛了一圈都無發現值得留戀既事物而且快熱C後，速閃~

下一站，“牛車水”亦即係新加坡既China Town。一去到既感覺，就好似去左女人街甘，甘當然，買既野係新加坡既手信。係呢度，有好多不同地方可以一去：《亞坤咖啡店》←頂點推介佢地既咖央多，真係呢到食得到，弟到食吾到~~必試！《Mariamman Temple》←其實係一間當地幾出名既印度，不過平時連中國廟都吾多入既我，當見識下亦無妨，入廟要除鞋，而且係廟入面影相就要俾錢。《Smith Street》一條經刻意改建過既食街，可惜食既野都吾係新加坡地道食品，只係一般既中國菜式，而且要過左中午先開。

當然，成個China Town區，吾會得以上甘少地方可以去，因為時間關係，或者下次....如果有下次既話。

《咖央多》既食法：用2塊烘得很乾身既多士，搽上咖央醬及夾一片牛油，然後將一隻半生熟既蛋加豉油搞均佢，然後用多士蘸蛋醬食，吾~~~ YummyYummy，蛋醬咸咸地，撞去左咖央醬過甜的感覺，吾會有好膩既感覺(甘當然，食多左都會膩既~)，而且味道非常配合，真係意外之極。(返到HK都試跟足甘整o左黎食，一樣好味)，又係香港食吾到既食法，有機會去到新加坡，一定要去試下呀

食飽左，就到今日既重點旅遊地“聖淘沙”啦！

“聖淘沙”就好似香港既離島甘，不過你可以選擇坐MRT、覽車or巴士入去。難得一場黎到，就更係要坐覽車入去啦，係MRT 既HarbourFont，可以去到Cable Car Plaze 覽車站坐覽車入去，而且除左普通覽車，你仲可以俾多少少錢，坐玻璃底既覽車入島，係入島之前，覽車會先駛去Mountain Faber，再繞回HarbourFont，然後先入Sentosa。又係個句，畏高既我....一路手心冒汗，一路目不斜視，到底架覽車有幾高? 上車處位於大廈15樓，就知佢最少有15層高，重要係去Mountain Faber方向既時候向上爬升，Gee.....不過最搞笑係連一向膽大既文麗氏都驚到鬼叫，我以為佢有心玩野，點知原來佢係堅驚，就因為甘，本來好驚既我，俾佢搞到都識笑下o甘啦，呵呵呵！

入到島，其實有好多野玩，不過都係由人喜好。我地買覽車票既時候包埋玩luge & skyride，一個好容易玩，又刺激既玩意，本來打算只玩一次，可惜因為我既不小心(本來落山坐luge，睇完show先坐skyride返上山攞返寄存物品走人，點知我竟然留左門票係寄存物品度....又要speed up啦，唉~真失魂)，就係甘，又有得玩多一次啦，yeah~~

(之於坐skyride上山，又係另一次既畏高考驗，呢日同個“高度”好有緣呢...最可惡係文麗氏今次態度好鬼輕鬆，點解我要有畏高呀~~呀~~)

聖淘沙既海灘真係好靚，而且佢地刻意既裝潢，椰林樹影，正正正，又係時間既關係同無落水既準備(雖然都除左鞋，踩下水甘)，所以同靚靚既海水無緣，不過淨係影相，都剎了不少時間去。

最後，我地睇埋有名既 “Song of the Sea”，係一個利用激光配合水幕，再加上煙火效果及舞蹈歌聲既表演，真係好值得一看(文麗氏話係澳洲有睇過，不過我就無咩印像啦....)，入場票要係入到島個時覽車站出口買，去到就好買啦，買曬就無得睇，每日只演二場。

離開既時候，我地無再搭返覽車，而係坐Express，只需5分鐘左右，就由島出返市區，真係話甘快就到。

順帶一提，係Express既出口既位置，係一個叫VivoCity既商場，點解要提佢? 由VivoCity 行去HarbourFront既途中，係一個好似天台位置，有個有露天坐位及食店既地方，最特別既係佢有幾個連貫住既人做水池，晚上配合著昏黃既燈光，情侶或三五知己坐係水池邊，把腳浸泡在水裡看著星空談談心，真係寫意得很，我們當然都有試一試感受一下氣氛(oh,sorry 曹係無做到既)，如果時間許可，我唸我真係可能會在這裡坐上一晚，真係好好feel的說。

是夜，因為之前既教訓(去夜市都無野食)，我地就回到酒店附近去睇下有無野食，意外地俾我地食到其中一樣我地好想食既野，叻沙。我一直以為叻沙係用油麵加米粉做底，但係新加坡食到既，都係用好似米線既麵做麵底，不過真係好好食。

返到酒店，又係12點幾....攰C人啦，聽日，話甘快就要走人啦~


【摩天輪→小印度→牛車水→聖淘沙】