第一次睇拉闊、第一次去機場博覽館，感覺....好遠好遠好遠.....

聽曹講，因為紅館大裝，所以好多演唱會都轉左去其他演出場地表演，而係機場既“亞洲國際博覽館”都係其中一選。

講真個場就幾靚既(夠大嘛)，不過真係交通勁吾方便，又行好耐，真係攞命~
另外聽人講d音響吾係好得，親身聽過，又真係吾係太好，可能係個場較大d音聚吾到散開，又可能係本身既音響設計吾足(可能吾係專for音樂會...)

拉闊拉闊~~ 一直都好有興趣睇拉闊，不過一來無id信用咭，二來又吾識人，所以一直都無機會睇，今次真係要萬分多謝曹俾呢個機會我，仲要係有陳奕迅既一場，正(x10000)！！

呢場係一場比想像更好睇既show，成日覺得演唱會係好真實既，要俾聽CD更出色就要本身夠實力，唱得超好聽又好有水準就更係好(因為即時表演總會歉場)，同聽CD一樣都算係正常(其實應該再好d)，唱得更差就應該檢討(吾明點解開到演唱會囉)。

今次表演者有陳奕迅x謝安琪x方大同xEO2，最期待既，當然係Eason啦!

Eason - 睇佢既演唱會好開心，因為佢係一個大細路，佢會將個種活躍力同開心感染俾所有人，唱歌既功力就吾使講啦，聽佢唱其他人既歌都比原唱既感覺好就知道。一出場佢唱Mika 既‘Grace Kelly’真係同原唱有得揮，之後佢唱呀kay隻‘我歌...故我在’，聽到拍爛手掌，真係少d功力都唱吾到架，可惜既係Kay唱鍾無艷個時，我以為Eason會同佢黎個CrossOver，不過佢竟然係同方大同唱....可惜；最後完場前佢地係甘唱係甘跳，睇到d人好high甘企曬係到，佢既感染力你話幾得呢，之前睇Joey都做吾到呀。

Kay - 有好多佢既歌都好好聽，佢把聲磁得黎又好溫柔，聽落好舒服。全場最驚喜係佢唱‘被遺忘的時光’，聽到我騷騷軟軟，佢唱得好鬼性感，好正！當然仲有我最喜歡既‘鍾無艷’啦，雖說係cross方大同唱。

Khalil - 或者一直吾太留意佢，講真無論係佢既外表到佢唱既歌，都吾係我好個路，所以.....不過估吾到佢除左幾唱得，仲好跳得下，有d意外；佢作俾eason隻歌，聽落隻英文demo比國語版好聽好多(隻歌好似叫Orange Moon)。

EO2 - 點講呢，開頭佢地出道既時候，都覺得佢地幾好，可能係我好喜歡睇人跳舞啦！不過到左今時今日，佢地都仲係跳下跳下甘(吾係跳舞，係跳跳下)，唱歌又走音，就算係當年既草蜢都會改變會進步，佢地真係要好好唸下囉...

呢場係一場GD show，吾知....仲有無下一次呢(呵呵呵~)

東涌東薈城改變左好多，處處都係Outlet(真係好搞笑，咩店都叫XXX outlet)，吸引到勁多人！今次同曹去左戲院個邊既Fd Court食野，都幾好味，又有好多選擇，最緊要係個view好呀，睇到360架(大笑)！

再次多謝曹R！！