今次最主要的目標除左按摩，就係去書城。

長征之前就更係要醫下個肚先，今次我地無特意搵定食店，所以去到就周圍搵，書城對面的商場，走既係香港路線，賣既食既都係香港成日睇到食到既野，於是我地又返去書城附近搵，最後係一間茶餐廳食下野醫飽肚就算(價錢同香港既都差不多，不過味道就差好多了)。

上次去新的那個“少年宮”，一班朋友對書城興趣不大，所以根本看不到甚麼(1個鐘頭點行?!)。今次我們去了舊的那個，貪的是它分類分層數，找要找的書都比較容易，天氣很熱，幸好在室內，不然就....呵~~ 舊書城就如想像中，依然多人，地方細藏書多，睇書的人隨處坐，結果? 就係步步為營，踩到人就吾好啦.....大家都買到自己想要既野(甘有d就更係即場發現啦)，都有所收獲。

返到羅湖口岸，我地去到火車站，按摩場專車接送既停車場，依家只要你有左目標(即係去邊間)，要搵都好易，因為佢地將個名牌掛在係天花處，只要搵到你想去個間個名，個名牌下面個位，就係泊住你想去個處既接待車。今次我們的目標，名叫“鴻泰洋”。

同以前去過個間“瑪亞城”，兩間既感覺都好似，都係好豪個隻，不過因為“瑪亞城”有個大泳池，所以我覺得佢地會豪d。同平常都係一樣，按完腳再按身，自從上次試過推油後，我都吾再玩中式or其他的按摩，因為師父手勢吾好，按完仲衰過吾按!! 不過今次我都試左另一種推油，開始前師父都會先按摩一輪再推，結果?咪又係痛左幾日，下次都係傳統d好了。不過今次呢位師父都好好力，又好識講野(講咩?咪係令人開心個d野囉)。

返屋企前，我地係羅湖商業城食晚飯，幾日內見到關禮傑2次，2次都係近距離，佢真係好型，今次仲見到佢一家大細，見到佢好錫佢個女，真係一個幸福好男人(笑)。係內地食晚飯，最緊要係問下佢地幾點收工，吾係? 就好似綠子話齋，食住“叮”囉，好似鬥快食野甘，不停係甘食食食...吾可以停，睇住佢地全場人等我地收工甘，食都食得吾安樂，好似俾人迫甘...不過佢地既綠豆沙又真係幾好味，返到屋企都成10點,都可以叫盡慶(即係無曬力lor)。呵~~


《P.S.-呢款係最收本貓歡迎既其中一款書籍，本來打算整本類似既書籍(for我既歐洲之旅)，不過完成期遠已.....哈~》