又係我Pingu仔啦，好耐無見啦大家，大家有無掛住我呢(guuuuu~~)

今日，星期日，主人帶埋偉大既爸爸大人，跟住家姐一行四人(?)黎到呢個無咩人氣既地方，錦田。就好似爸爸大人話齋，呢到靜到呢....真係好少人o架，車都吾係好多，空氣就自然好d啦，gu~~

我地既第一站，就係「吉慶圍」啦，gu~~

係到，抄少少有關「吉慶圍」o既資料俾你地睇下啦，gu~~

『吉慶圍呈長方形，佔地45畝，設計整齊、對稱，是典型的圍村建築。鄧氏遠祖鄧符協早於北宋時來此定居，後來族人鄧伯經與另外兩人於明朝成化年間（1465年至1487年）建築圍村居住，至今已逾500年歷史。這裏住有400個鄧氏後人。

初無圍牆，及至清朝康熙初年，由於地處瀕海，為防寇盜，鄧珠彥和鄧直見才加建了6公尺高的青磚圍牆。牆基用石築砌而成，壁上有砲口，圍牆四角，均築砲樓，並加連環鐵閘。圍外原有一道10多公尺的護河圍繞，後來被填平，現時只有部分被保留了數米寬的河面。吉慶圍只有一個出入口，門口外有一塊記載鄧氏歷史的銅牌。

圍村內設有一座小廟，供奉15位神祇。

時至今日，吉慶圍仍被18英尺厚的城牆包圍，但隨著城市發展，已大為失色。圍牆內的舊屋大多改建成現代樓房，少數比圖牆更高，甚至伸出至圍牆以外。』

就好似上文甘講，如果大家唸住去睇係好古舊既文物，甘你地就一定失望lu，gu~~ 因為入面除了少部份仲係一d好舊既圍牆及建築，其他既屋，都變成左新式樓房，感覺又真係好不倫不類呢....gu~~

(順帶一提，入「吉慶圍」係要象徵式收取1元入場費的。)

嘻~~ 你地睇下我幾乖，馬路上面無車車，我都乖乖甘襟個停車制，等到綠燈先過馬路，大家過馬路時吾好貪方便亂甘橫過，好危險o架！馬路如虎口呀，小心小心，gu~~

離開「吉慶圍」之後，到「樹屋」途中，會經過多個古蹟，好似二帝書院、便母橋、清樂鄧公祠、長春園等，每個景點相距都係數分鐘腳程，不過我地只係沿路甘行，所以吾係每個古蹟都有去到，gu~~

其中一個有去既，就係「二帝書院」

『二帝書院建於清道光二十年。道光年間錦田十六位聲名顯赫的士紳籌組的鄧二帝會於水頭村興築二帝書院，以供奉文武二帝及作研習學術的書室。廂房的入口是月牙門，書院牆頭飾以花草小鳥圖案的灰塑，而窗櫺則有不同圖案的通風瓦，古錢花案，有些則以不規則的幾何圖案組成。

書院門前的小巷，鋪砌白石，俗稱「白石巷」，所以書院學生又被稱為「白石巷子弟」。書院是一所兩進式建築，前室供奉財帛星君，文星帝君、關聖帝君和文魁踢斗，中央隔一天井，後室為書齋。』

你睇下我同主人，就坐係以前子弟讀書用既書桌度，如果依家呢度仲係俾人讀書既話，我唸就吾會甘整齊同甘靚lu，gu~~~

呢度就係樹屋啦，主人以為有好多間，其實係得一間，不過係最大甘jei，gu~~

『據說錦田樹屋原是書齋，旁邊大榕樹自書齋主人搬走而無人打理；及後不斷生長，便形成樹根緊纏石屋的奇景！』

真係好得意呢，gu~~ 吾知我係我間屋仔隔離種棵小小榕樹，吾理佢以後會吾會都係甘樣纏埋我間屋仔呢? gu~~

(傻o架你，間屋仔俾樹樹食左，你吾好叫我整過間俾你呀！by 主人家姐)
嗚~~ o甘我咪吾種lor...gu~~

今日去o左吾少地方，不過用既時間都吾係好長，都係差吾到3個hr啫，吾知主人下次會去邊呢? 吾係元朗佢吾會吾帶我去呱....下次都係一定要自己尼係佢個袋袋到，甘我咪邊到都去到lor，gu~~