真係激鬼死

個個第一句都係問"你住邊呀"

然後就係"你個樣好細喎"

真係!!頂!!

係咪無野好講 每次既開場白都係呢句

我好mind 但都唔怪得人

人地唔知我介意

仲有 做新人真無聊

野又唔識做 又無人有時間教我

搞到我好似變左打雜咁

一時幫呢個 一時幫0個個

做埋d無謂野 勁無奈

不過最嬲都係自己

就連做呢d野都做錯

咩都幫唔到 覺得自己好笨

呢兩日都搞唔清自己係度做緊咩

當初面試時講到好理想

話會學到好多野

如果按呢個進度落去 下世啦

無野做 又要扮忙 好難捱

尤其係其他人都勁忙

我唔想被人誤會我偷懶

其實請我番黎係頂另一個人

但我覺得0個個人做得好好

都唔明點解manager要抄佢

我見到佢就覺得內疚

好似我搶左佢個位

我無得無能 點搶佢個位

manager話下個禮拜要take over佢既工作

但我到依家仲係咩都唔識 點算好

做就愈耐 人地對你既期望就愈高

以為你會識得0個樣野

原來自己仲係唔識 實俾人抄



今日唯一一件比較開心既事:

無端端坐隔離既同事俾個電話我

我都唔知發生咩事

以為自己做錯野 幾驚

原來係貨倉既人打黎

話認識新同事 嚇得我

佢係幾有趣 但我都唔知同佢講咩

都係佢問我答 不過都幾開心既

都算可以解下悶

最後都係我叫收線 依家諗番好似好無禮貌

但我驚俾人話我偷懶

我已經無咩野做到

仲係度講電話

佢就話可以一心二用唧

佢得 我唔得