2003-05-14 22:45:41A-hi
拋荒遊樂園---A-hi
庄跤囝仔平常時仔若毌是佇學校的運動埕teh跑，就是佇田裡走。誠(chiaN5 )罕咧有啥mih 電子的chhit -tho5 mih 仔通sng2 。若欲按呢講可能有人會講這箍是咧嘴動嘴，lam7-sam2 罔講nia7-tiaN7 ？
以我he7 佇我頭殼裡，迄個比山濛koh 較霧，囝仔時的記持來ka7 想想咧。阮迄個世代的囝仔雖罔毌是逐日佇原野chhit-tho5 。灌肚猴、sng2 土胚仔、掠田嬰、jiok 蝶(ia5 )仔、khong3 土窯逐項嘛會；拍kan-lok8 、放風吹、匿(bih )相尋是一定愛的。
這種chhit-tho5 原野的田園時刻一直到我小學二年的迄的熱--人迄跤踏仔，阮tau 巷仔口迄間khiau-ku 的in tau 開的柑仔店出現一種趣味千分、心適萬分的電動台仔了後漸漸來消失，嘛會tang3 講是阮這個時代的囝仔ka7 阮往過走跳的場所khng3 咧拋荒。
阮表的伊年歲比我較大，因為讀冊的關係所以較有機會接觸都市時行的mih 仔。伊ka7 我講迄種台仔佇城裡的人攏叫伊是「馬莉兄弟」。伊koh 講「馬莉兄弟」in 兩個兄弟仔本chhiaN5 是teh 替人修理水管的，尾仔因為欲去救公主才會走ui3 電視裡，佮一寡妖魔鬼怪抑是魔王相戰。 In 兩個上興的就是香菇啦！見擺若是食著香菇，in 就袂輸是灌風的雞 kui 仔，變kah 真大隻。阮表的講彼就是長大菇。毌ku2 香菇嘛有幾na7 種neh ！若是食毌著哦，「馬莉兄弟」的命就烏有去啊(阮老師na2 像嘛捌ka7 阮講過，野外的香菇毌thang 亂食)！In 兩的若烏有去哦？In 若烏有去，拍台仔的人只好提出五箍lok 落去台仔裡，「馬莉兄弟」才會koh倒轉--來，繼續佮妖魔鬼怪車拚。「馬莉兄弟」有影像阮公仔佇大榕(cheng5)仔跤ka7 阮講的迄個孫悟空仝款，為著欲救公主，渡過數萬難關。
見擺若是中晝，阮這幾個囝仔糜(be5 )飯攏嘛袂顧得食，有通sng2就好啊！飯無人會偷食去，先來去佔位較要緊。
佔位？對！
免僥疑，就是愛佔位！若是無量早走去khiau-ku 的in tau 排隊？到時就chhun 別人食米粉；家己kiu 佇電視邊喝燒囉！Kui 間人chhah -chhah -chhah ，電視內面的「馬莉兄弟」koh 戰kah 欲死欲活，無喝燒?無是欲喝啥?若是嫌燒，袂曉緊(kin2 )，khiau-ku 的剉冰chhoan5 咧等。一碗十箍，na2 拍台仔na2 食冰，是迄年熱--人上讚的享受囉。毌ku2 迄年熱--人我嘛thai5 袂少豬公。
電動台仔當咧燒的時，大人佮囝仔相爭欲sng2 的前形是逐不時嘛佇khiau-ku 的in 厝裡teh搬。有時陣，搶無著位的攏嘛的怨khiau-ku 的講：「台仔汝是袂曉加進寡哦？看阮搶kah 大粒汗勘(kham3 )過細粒汗，汝是有較嬴是毌？」迄陣，這種親像是家己厝裡的電視的電動台仔毌是kai3 普遍，khiau-ku 的有才調進一台佇伊店門口就真chhiaN-iaN7 啊！Chin2 煞有人為著無台仔thang 拍咧佮伊喝pha-la-khian2。khiau-ku 的有影是衰，真正是阮阿嬤tiaN7 teh 唸的:「洗面礙著鼻哦。」
這款台仔佇阮遐流行這段真長的時間。一直到阮朋友河仔偷提in 母仔的嫁妝去佮khiau-ku 的轉(tng2 )現金來拍電動台仔了後，有大部份的家長(阮老父就是)驚家己的囝仔嘛會像阮朋友河仔按呢，koh 再加上「電視遊樂器」漸漸普遍，人人厝裡攏買會起，逐家厝裡攏嘛有一台。這種時行的電動台仔才漸漸佇阮庄仔頭退燒。
國中了後，我敢確定是國中！冊本thiap8 tu2 天。肩胛頭彼支pin 擔袂輸擔幾na7 百斤的冊。電視遊樂器哦？毌知走ui3 啥人in tau 去啊？走無相辭neh ，完全無惜阮共同戰鬥的情分。佇成績排頭先的社會，讀冊讀煞了後是補習；補習補煞是復習。
誠無簡單放假歇喘一下，我使用我的五官咧看、咧聽、咧鼻、咧尋。總--是，尋無、鼻無、聽無嘛看無。拋荒的遊樂園早就予大樓佔tiau5 咧，遊樂園的形影我是看無啊！khong3 土窯時陣陣白煙、蕃薯芳味早就四散，鼻著的只是化學工場迄支煙筒管咧放臭屁！匿相尋時，一陣囝仔ka7-ka7叫娛樂之聲我是聽無啊！聽著的只是雄狂車聲。 肚猴、田嬰、蝶仔，我是尋無啊！啊若是欲放風吹哦！Tioh 先ka7 市政府申請，電火柱仔若無徙(soa2 )走？風吹sui5 變電風吹。
我koh 用五形的心、肝、脾、肺、腎尋屬於in 的紅、黃、藍、白、烏。Na2 koh 有thang 予汝尋著紅、黃、藍、白、烏。我的心、肝、脾、肺、腎攏對我大聲喝講：「chhun 烏的啦！攏烏的啦！」
火紅的日頭懸(koan5 )袂過佇chia tin3 地chian3 的大樓！白雲攏予大樓的影遮(liah )tiau5 ！夕陽咧? 早就chhin3 心啊！Chin2 的囝仔攏嘛sng2 「電視遊樂器」較嬴。啥人欲佮伊做伴？
以我he7 佇我頭殼裡，迄個比山濛koh 較霧，囝仔時的記持來ka7 想想咧。阮迄個世代的囝仔雖罔毌是逐日佇原野chhit-tho5 。灌肚猴、sng2 土胚仔、掠田嬰、jiok 蝶(ia5 )仔、khong3 土窯逐項嘛會；拍kan-lok8 、放風吹、匿(bih )相尋是一定愛的。
這種chhit-tho5 原野的田園時刻一直到我小學二年的迄的熱--人迄跤踏仔，阮tau 巷仔口迄間khiau-ku 的in tau 開的柑仔店出現一種趣味千分、心適萬分的電動台仔了後漸漸來消失，嘛會tang3 講是阮這個時代的囝仔ka7 阮往過走跳的場所khng3 咧拋荒。
阮表的伊年歲比我較大，因為讀冊的關係所以較有機會接觸都市時行的mih 仔。伊ka7 我講迄種台仔佇城裡的人攏叫伊是「馬莉兄弟」。伊koh 講「馬莉兄弟」in 兩個兄弟仔本chhiaN5 是teh 替人修理水管的，尾仔因為欲去救公主才會走ui3 電視裡，佮一寡妖魔鬼怪抑是魔王相戰。 In 兩個上興的就是香菇啦！見擺若是食著香菇，in 就袂輸是灌風的雞 kui 仔，變kah 真大隻。阮表的講彼就是長大菇。毌ku2 香菇嘛有幾na7 種neh ！若是食毌著哦，「馬莉兄弟」的命就烏有去啊(阮老師na2 像嘛捌ka7 阮講過，野外的香菇毌thang 亂食)！In 兩的若烏有去哦？In 若烏有去，拍台仔的人只好提出五箍lok 落去台仔裡，「馬莉兄弟」才會koh倒轉--來，繼續佮妖魔鬼怪車拚。「馬莉兄弟」有影像阮公仔佇大榕(cheng5)仔跤ka7 阮講的迄個孫悟空仝款，為著欲救公主，渡過數萬難關。
見擺若是中晝，阮這幾個囝仔糜(be5 )飯攏嘛袂顧得食，有通sng2就好啊！飯無人會偷食去，先來去佔位較要緊。
佔位？對！
免僥疑，就是愛佔位！若是無量早走去khiau-ku 的in tau 排隊？到時就chhun 別人食米粉；家己kiu 佇電視邊喝燒囉！Kui 間人chhah -chhah -chhah ，電視內面的「馬莉兄弟」koh 戰kah 欲死欲活，無喝燒?無是欲喝啥?若是嫌燒，袂曉緊(kin2 )，khiau-ku 的剉冰chhoan5 咧等。一碗十箍，na2 拍台仔na2 食冰，是迄年熱--人上讚的享受囉。毌ku2 迄年熱--人我嘛thai5 袂少豬公。
電動台仔當咧燒的時，大人佮囝仔相爭欲sng2 的前形是逐不時嘛佇khiau-ku 的in 厝裡teh搬。有時陣，搶無著位的攏嘛的怨khiau-ku 的講：「台仔汝是袂曉加進寡哦？看阮搶kah 大粒汗勘(kham3 )過細粒汗，汝是有較嬴是毌？」迄陣，這種親像是家己厝裡的電視的電動台仔毌是kai3 普遍，khiau-ku 的有才調進一台佇伊店門口就真chhiaN-iaN7 啊！Chin2 煞有人為著無台仔thang 拍咧佮伊喝pha-la-khian2。khiau-ku 的有影是衰，真正是阮阿嬤tiaN7 teh 唸的:「洗面礙著鼻哦。」
這款台仔佇阮遐流行這段真長的時間。一直到阮朋友河仔偷提in 母仔的嫁妝去佮khiau-ku 的轉(tng2 )現金來拍電動台仔了後，有大部份的家長(阮老父就是)驚家己的囝仔嘛會像阮朋友河仔按呢，koh 再加上「電視遊樂器」漸漸普遍，人人厝裡攏買會起，逐家厝裡攏嘛有一台。這種時行的電動台仔才漸漸佇阮庄仔頭退燒。
國中了後，我敢確定是國中！冊本thiap8 tu2 天。肩胛頭彼支pin 擔袂輸擔幾na7 百斤的冊。電視遊樂器哦？毌知走ui3 啥人in tau 去啊？走無相辭neh ，完全無惜阮共同戰鬥的情分。佇成績排頭先的社會，讀冊讀煞了後是補習；補習補煞是復習。
誠無簡單放假歇喘一下，我使用我的五官咧看、咧聽、咧鼻、咧尋。總--是，尋無、鼻無、聽無嘛看無。拋荒的遊樂園早就予大樓佔tiau5 咧，遊樂園的形影我是看無啊！khong3 土窯時陣陣白煙、蕃薯芳味早就四散，鼻著的只是化學工場迄支煙筒管咧放臭屁！匿相尋時，一陣囝仔ka7-ka7叫娛樂之聲我是聽無啊！聽著的只是雄狂車聲。 肚猴、田嬰、蝶仔，我是尋無啊！啊若是欲放風吹哦！Tioh 先ka7 市政府申請，電火柱仔若無徙(soa2 )走？風吹sui5 變電風吹。
我koh 用五形的心、肝、脾、肺、腎尋屬於in 的紅、黃、藍、白、烏。Na2 koh 有thang 予汝尋著紅、黃、藍、白、烏。我的心、肝、脾、肺、腎攏對我大聲喝講：「chhun 烏的啦！攏烏的啦！」
火紅的日頭懸(koan5 )袂過佇chia tin3 地chian3 的大樓！白雲攏予大樓的影遮(liah )tiau5 ！夕陽咧? 早就chhin3 心啊！Chin2 的囝仔攏嘛sng2 「電視遊樂器」較嬴。啥人欲佮伊做伴？