2019-01-21 15:44:53Tellme
【台語方言】節氣佮實景
海翁台語文學雜誌月刊 第205期（2019.01）p.83-84
這毋是櫻花簇紅開滿樹叢的實景喔！
每年的這个時陣，應該是欖仁滿樹吐新芽的光景，何況立春已經過去。
規叢紅記記的欖仁葉仔猶未完全落地，啥時陣才會規叢吐新芽青綠綠呢？何況閣差不多十工著新正開年矣。
透早六點行出高雄火車站，看見對面大樓頂的LED燈顯示的氣溫是23℃。好親像猶未真正寒過，怡伶小妹送來冬衣嘛才穿過兩个暗時而已。
老大人講：「冬至佇月初，欲寒佇月頭。」這若有準的話，今年過年一定是冷吱吱的。
這拄好說明為何欖仁葉猶未離枝落地，時序可能已經慢去。氣象專家講，氣象嚴重變遷，毋是極熱就是極寒，目前南北極冰棚一直咧溶解，臭氧層破洞嘛咧增加（資料有待考證）可能因為如此這般，所以今年的臺灣南部敢若又閣是「暖冬」。
中晝過了後，柴山頂有鹽粒飽滿的霧氣，日頭嘛被低低的遮牢的，只是氣溫猶閣佇25℃上下。
退勤的時陣行過管理學院，忽然間看見滿塗跤的紅色的欖仁葉仔，這？
真正是按呢？氣候變化樹先知吧？抑是發現家己經遲到，正當咧趕家己的行程？看起來今仔日機動班的同仁有通無閒囉！至少明仔早起著愛提早清掃滿路面紅記記的欖仁葉囉。
上一篇：春天後母面
(悄悄話)
2019-01-22 15:04:36
(悄悄話)
2019-01-22 14:25:15