轉眼間2004年又過了 ... 今年的聖誕節及除夕都幾開心丫！
雖然平安夜又真係好平安咁過....不過平安得開心咪夠囉！
其實每次大時大節，我都係好想一班朋友o係屋企燒野食或者打邊爐咁過，
至少唔需要同人迫而且又可以放心咁玩嘛！
不過通常我呢種建議都係比人否決既.........算吧！！

大除夕就真係非常充實喇，一放工就去睇<功夫>，好好睇咩？唔覺囉！！
之後去了中環映相，白色聖誕屋呀！！但係都唔夠立法局吸引喎！！
不過當日就好凍呀.....我隻手完全係彊硬....冰咁架！
要去到cafe 飲杯熱咖啡先好返好多！舒服！！

節目一浪接一浪...唔可以比佢停既！！
再去食呢個倒數自助餐...迎接2005年！！好野！！
係喇 ... 由一入開始食野就真係倒數架喇！！
因為得兩個鐘嘛，咁咪係咁倒數囉！！呵呵...唔岩咩？？