返咗實習咁耐，呢個星期都算係最充實嘅一個禮拜喇！

由七月尾開始，知道公司o的 artists 嚟梗會同其他電影公司合作，分別會喺廣州同香港開戲，田老闆好好咁俾咗個機會我，叫我跟埋去睇下人o地 professional係點做野。初初聽到呢個消息，真係興奮都幾晚訓唔著覺呀！之前雖然都有跟同事出去睇電影making of 嘅拍攝過程，但今次直頭係電影嘅正式拍攝喎！點同呀？！

到咗今個星期五，終於俾我等到喇！雖然我知道自己會有份跟呢套戲，但係上晝先仲打梗套戲嘅劇本，下晝田老闆就叫我跟佢出去喇，因為套戲要開鏡囉喎！嘩…幾突然呀！

去到拍攝地點，我就好似鄉下婆出省咁，樣樣o野都覺得好新奇好得意！例如睇到道具師傅點樣幫o的道具做出「殘舊」o既感覺啦、燈光師傅點樣check光同打燈等等。田老闆雖然周身唔得閒，但係都好有耐性咁同我講解佢o地點去打燈同check光，又學咗唔少o野！

準備咗大約三個鐘，導演正式開拍！一roll機，各人各就各位，全場靜哂，我匿埋o係導演身後，望下演員又望下個mon，個感覺真係好得意！

呢o度要特別鳴謝田老闆俾機會我去片場，以及多謝楊能、田昌同Ada o係片場o既關照！！