......一早起身，發覺自己訓得幾好，心情已經好唔錯，硬係覺得會有好事發生。
......雖然依家每朝都要七點幾，但係返完一個月工之後，覺得早起都唔錯，個人好似健康o左，生活無以前咁糜爛。
......聽住mp3返工可以係一種享受，即使地鐵車廂入面全部都係為生活奔波o既成年人，只要戴上head phone，就會知道自己仲係自己，我要o既生活依然無變，我o既世界仲係o係度。送呢部mp3俾我o既男友應記一功，抵o錫!
......o係公司入面，我可能係最自在o既一個，手頭上o既工作好好玩，雖然個project只可以用word o黎做，但係呢o度拼下、o個o度貼下，加少少photoshop修飾，出o黎o既效果ok好啦！小jack俾O左唔少意見我，多謝哂！
......公司今日好齊人，好熱鬧，佢o地話要出去拍o野，好想好想去！但係佢o地無叫我去>_< 咁又係o既，我係藝員o個邊，唔多關事，況且佢o地又唔係無人手...不過，錯過o左今次，我真係唔知仲有無機會去睇佢o地拍攝，講到尾我都係得o個三個月命之嘛...
......好彩好彩，gary最後都叫埋我去，一個失而復得o既機會，簡直係喜出望外!真係要多謝gary (我唔會當面多謝佢o架！咁肉麻！哼！)
......雖然同我入呢間公司o既原意有o的分別，但係意外地發現o左自己另一個興趣，藝員科真係幾好玩，做一個經理人要識o既o野俾我想像中多，唔排除日後會向呢個方向走。
......返o左實習一個月，公司氣氛幾好，樣樣o野有商有量，同同事之間都講得兩嘴。不過我依家慘成同事間「捉咬字、捉讀音」o既對象，疫情已經蔓延到小jack身上，大檸樂！！！