今日終於睇o左Brad Pitt套《木馬屠城》，唔知係咪睇得多lord of the ring，好似對o的大堆頭o既所謂"史詩式巨獻"有o的麻木，好話唔好聽，千軍萬馬o既場面真係套套戲都差唔多，《木馬屠城》o係呢方面o既處理亦只可以話係不過不失。比較好睇o既會係特洛依人用火夜襲希臘軍o個場，可惜份量太少，睇到有o的到喉唔到肺。

不過最言過其實o既都應該算係o個位傾國傾城o既美女同情聖王子o既"偉大"愛情。雖然我覺得唔應該將特洛依城滅亡o既責任加o係佢o地身上，但係要我相信佢o地o既愛情係至死不渝、堅定不移o既話就真係有o的難度。唔知係ORLANDO BLOOM同DIANE KRUGER唔過電，定係兩人感情刻劃唔足夠o既關係，硬係覺得佢o地愛得好兒戲、好任性，到問題出現時，又無勇敢面對，好難令觀眾認同。不過ORLANDO真係幾犀利，估唔到o係魔戒入面又型又威o既佢o係《木馬屠城》o度竟然可以做到咁乞人憎，又任性又懦弱，臨尾仲要殺死萬人迷Brad Pitt。成套戲最應該死o既人o係佢，點知佢最後竟然可以全身而退，真係講起都把幾火。

之但係套劇都有睇o既價值o既，事關戲裡面三個男主角(BRAD PITT、ERIC BANA同ORLANDO)都不時有意無意咁show off佢o地o既胸肌，BRAD PITT同ORLANDO仲有裸露演出…真係睇到我猛吞口水呀!

p.s. BRAD PITT o係戲入面o既做型真係無得頂，第一次覺得原來男人著裙都可以好型同好sexy，真係羨慕睇過BRAD PITT全相o既Jennifer同桂莉芙！