考完試...先係惡夢o既開始。

我唔知自己可唔可以o係三日之內完成到research report同埋個tv production
o既 功課。突然之間，成個人都覺得俾壓力迫到透唔到氣。

我有o的嬲，因為我早o係五月初就已經同自己講，唔會再將o的功課堆到最後一刻先做。於是我o係一個自己覺得都幾早o既時候已經開始想同組員傾功課o既事，但係換o黎o既都係一o的有等如無o既答案。

我問：「research o的 data入成點呀？」，有人答：「...我未裝個software喎。」

我問：「不如tv production份功課同tv news份功課做埋同一份囉？」，有人答：「好似怪怪地咁喎...」

我再問：「咁個topic做咩好呀?」，有人答：「唔知呀...」

我好"支力"，點解只有我一個要o係o度著急？我只係想早o的完成o的o野，咁有咩錯？

我明，好多組員都有野要做，溫考試啦、返工啦，但係功課o既deadline大家一早就知道，咁點解仲係要推到依家呢一刻先o黎做丫？明明可以一早安排好o既事，到最後都係要得o個一、兩個人o黎完成，我o地明明有差唔多十個人o係o度呀!!

我明，我唔可以要求大家每個製作過程都參與十足，咁至少o係出意見上都盡o的力好嘛？

最離譜係今次o架喇!!

唉...原來我唔係有o的嬲..........我係超級嬲!!!