今年會係我識左kin o甘多年黎第一次渡過一年o既最後一日..因為第一年就要準備exam,第二年就去左紅館同LEON倒數,所以…

同佢出左去尖沙咀行左陣先,跟住就搭地鐵去銅鑼灣,喺中央對出d chair度食佢之前專誠去中環買o既Tiramisu,好好味呀!跟住我地就再搭車去中環,因為今晚將會同君君東東o係皇后像廣場許願樹一齊倒數,我地兩個等埋君君先,因為佢今日要返馬莎,放11:30呀..今次六係同君君佢地第一次一齊倒數呀..

我地3個影左d相之後就諗住去join亞東…同佢女友…(今晚的一個污點)…我地死迫爛迫,先迫到去佢地度,真係嬲嬲地..

好快就到12點喇,倒數..5..4..3...2..1...HAPPY NEW YEAR!!好靚呀!!棵許願樹閃到勁靚..加上音樂同滿天金銀彩紙…真係好靚好靚架!!o個一刻,真係永世難忘呀!

o係條街度影左相之後,就搭車去旺角食宵夜,亞東個女友有事無join我地,實在太好,唔係一定o野都食唔落!o係打冷鋪食左d好正o既蠔餅,豬紅,蠔仔粥,沙爹牛肉粉絲煲……好好味呀!之後我地o係條街度遊左一陣,佢地兩個同我地兩個一齊行上火車站…之後分手~

回家~!