【自由人系列～泰國２００６】

《基本資料》
旅費：＄１７００包機票酒店５天
　　（早機去晚機返　酒店於ＢＴＳ站５分鐘）

天氣：極度炎熱，其中日半有雨作降溫之用

食得開心：
最難忘唐人街既咖啡炒蟹同翅！尢其係個蟹，真係好味到諗唔到點樣可以再好味Ｄ！！！最精彩係食食下小強搭枱，真係考反應呀！埋單前又上演左一場ＰＲＯＢＬＥＭ　ＳＯＬＶＩＮＧ既預習，好好玩，ＨＡＨＡＨＡ！
忍唔住要打包多碟返酒店食先得！
另外，不能不提既就係超級愛上泰式食品ＰＡＤＴＨＡＩ，最後又係忍唔住要買哂Ｄ材料返屋企自己煮！
仲有日本野食，為左一食聞名既壽司店，我地由「美孚行去尖沙咀咁遠」，終於比我地搵到，真係難忘到極呀！呢個故事教訓我地，幾遠都好，都係搭車好！

買得開心：
手信唔少得啦，一箱二箱，我就冇咁過份啦，不過都拎死人，爆喼！至於個翟道翟市場呢，大就大喇，不過熱得過份，係裡面行街睇野，好似入左個７０度既焗爐咁，唔夠一個鐘，已經可以變成脆皮豬豬喇！所以我地都係進攻返Ｄ有冷氣既商場比較穩陣！全曼谷大大小小既ＳＨＯＰＰＩＮＦ　ＭＡＬＬ同夜市都應該比我地侵占過架喇～當然不少得女人既恩物喇．．．

玩得開心：
我地ＪＯＩＮ左個１ＤＡＹ　ＴＯＵＲ，一早就有伺機接我地去遊運河，天氣唔算熱，都睇到Ｄ風情畫既，仲比Ｄ比城門河仲污糟既河水彈到，真係Ｘ＄＃＾Ｚ＊）（＠！順度仲比心賣埋豬仔，但都玩得開心。
仲有遊覽左大皇宮，好輝煌呀！呢個ＴＲＩＰ裡面，有一返酒店我地坐ＤＵＫ　ＤＵＫ，諗住好ＦＥＥＬ啦，點知，比香港既忘命ＶＡＮ仲犀利多１０倍！快車超開，彎超掟，但係冇安全帶架，我一只腳撐實個邊位，一只腳夾住Ｄ袋袋，魂飛魄散５分鐘，呢世都唔再坐架啦，ＨＡＨＡ～點解叫ＤＵＬ　ＤＵＫ，因為架車行既時候ＤＵＫ　ＤＵＫ聲，好似就黎散咁，都幾刺激既～
今次仲試埋個泰式古法按摩，真係慾仙慾死呀．．．

仲有，不能不提既係Ｓｉａｍ　Ｐａｒａｇｏｎ，我覺得佢簡直係地球上最正既ｓｈｏｐｐｉｎｇ　ｍａｌｌ，要平野，有平野，要高擋，最怕你買唔起！娛樂設施十足，一家大細去都冇憂，又係美食既天堂，係呢到，絕對可以令所有人ｈｅａ足一日！唔信大家去睇下啦～係大美介紹既。

曼谷：我愛妳！