亞媽今年收到一大紮紫色既康乃馨，真ｈａｐｐｙ啦～　佢話佢呢世人第一次收花係ｎ年前（我諗起碼有１７、１８年前啦），早上剛鬧完我地幾兄妹一餐，下午我地就去左街市買左幾枝花返黎．．．佢講完，我都覺得幾感動，但當然就一ｄ印象都冇啦～我係到想像當時幾個小朋友走去街市買花送比媽媽，真係可愛！

　　今年母親節，我要返工，仲第一次做ｃｏｕｎｔｅｒ，臨近暑期活動報名日，各家長都非常緊張咁入簽，真係忙到屁都唔得閒痾！第一次做ｃｏｕｎｔｅｒ，咩都唔識，又唔夠人手，電腦又得一部（不過就算有多一部都冇用，因為個系統我都唔係好識用！），人又多，門口又細，好似好多人好咩咁～　有時候我都做到企左係到，因為都幫唔到ｄ咩．．．唯有．．．保持親切既笑容同禮貌，去解答同安撫ｄ家長。　做得好好地，竟然有個家長嘈，其實佢都嘈得有道理既，事實上，我做得太投入，唔覺意比個家長打左尖自己都冇為意。本應都係好閒既事，但因為真係做得太辛苦，自己既心情一下子調節唔到，就ｄｏｗｎ下去了。　有少少唔開心，問自己點解咁失察，覺得自己做得唔夠好，明明一早都已經有提自己要好好咁學好ｃｏｕｎｔｅｒ的事，但都．．．　冇辦法，我真係好忙，根本都冇時間。負責既班太多，一有錯，又嘈到去我耳邊，真係好煩。如果真係做錯左ｄ咩，都唯有下次留意返多ｄ，但有ｄ唔關我事既野都入我數，就覺得興喇。唔係想不負責任，只不過真係負唔到咁多負責就真！唔係唔想做好ｄ，但有時間就做咩都得，冇時間又可以做乜鬼？

　　好喇，唔開心既野，過左去就算，呢ｄ點點滴滴，都係我份人工裡面包埋既，冇計啦，我又點會咁輕易就比呢ｄ小事打敗呢～～～

　　放左工，就即刻過關食飯了。好耐都冇咁多人聚首一堂了。長輩一圍、小家庭一圍、單身既又一圍。不過我遲到，去左長輩個圍，仲好，我包底！咁樣一齊食飯幾好呀，熱熱鬧鬧！一次過滿足哂９個母親既快樂。

　　欣欣係我地大家庭中最新的一個ＢＢ，見到ｄ哥哥姐姐都興奮起來，好得意！今次見到佢識得認人左，又識得同人玩，仲識得牙牙學語咁撩人，真係超可愛！！！

　　全靠咁多位偉大既媽媽，令每個家庭都可以熱鬧起來．．．