極地雪犬真係好好睇
八隻雪犬都好叻 好醒目 好團結 好忠心
見到佢地幾個係雪地迎接狂風暴雪 真係心都碎
勁驚主人唔返去救佢地!!
好難想像佢地點樣可以獨自求生左成半年咁耐!
不過佢地真係好醒 真係同人好相似 起碼識得用惱用計仔去搵野食
好叻～～～　　


一開始老jack竟然乖乖唔解鎖去等主人返黎　好傻　
我唔知佢係太老走唔到　或再加上佢最乖　所以留係基地唔走.....

細孖最唔抵! 玩北極光趺死　我睇緊時係咁安慰自己　唔會既
趺一趺　邊有咁易... 但已不停咁喊...

佢地去搵野食　搵雀仔　都值得大讚～　究竟d 鏡頭係點拍返黎?
麥仔遇到死了既殺人鯨　再忽然見到海豹　都嚇死我
但佢好醒　識調虎離山　令同伴都有得食　真係好團結　
在絕境求生　仲亙助亙愛　
不過阿美受傷都好心痛... 佢都以為自己快要死　仲將佢既領袖位交比麥仔
最後見到佢重聚真係好感動　
我勁驚阿美會死..... 好彩最後冇事
可惜吹甩左兩隻..... 美中不足

狗狗好叻　好多表情　好似真係識做戲似的～
如果此片是真人真事　相信曾經有很多真的雪犬為佢地既主人付出
狗狗好單純　亦好忠心　一定會效忠主人對最尾一刻～
我成日都會諗　我有好多娛樂　但旺仔唔同
佢最開心就係有人見佢玩　見到主人先最開心
佢係我其中愛既人　但我已是牠的全部!

所以盡可能　我都會令旺仔最開最開心
食得最好　住得最好　玩得最好
最重要　就係陪佢多一點　～～