我對上一次見黑仔大概時二個月前, 佢一見到我就問我身邊的狗公係邊度.... 其實我好懷疑, 以michael的性格, 佢夠膽一次又一次的去偷偷地用我電話打比那些第三者, 等佢地知道我同佢一齊....究竟, Michael有無試過打比黑仔呢? 因為我記得我同黑仔分手後的聖誕節, 那時我同Michael一齊, 黑仔打比我, 我叫左佢出黎, 之後我先發覺我撇唔開Michael, 係michael面前我又打唔到電話比黑仔....那晚, 黑仔打了好多次電話比我...佢好擔心我...幾日後我打番比佢....我知佢唔信我的解釋....而佢次後對我亦冷淡了許多.....係因為那一次的失約令他灰心....還是Michael在我不知道的情況下打了電話給黑仔呢?不過....無論怎樣, 我同黑仔己經過去了.........希望他會找到個好女仔.....希望佢生活得開心健康....我知道如果兩個人係有緣的話, 無論怎樣困難, 最終也會係埋一齊.....

KK 佢知到我想係十一月番香港行大學畢業禮, 佢就即刻話幫我比機票錢, 係好吸引, 我都好開心....佢話好掛住我....如果我真係要佢幫我比錢買機票, 我知我番到香港就一定要見佢....呢一點係我最唔想的....佢係對我好....但我知我唔再愛佢....我唔可以受佢咁大的恩惠.....

啊威佢係我過左澳洲後就成日打電話來, 又寄衫寄物比我, 但成日都話我點解那時候咁狠心三個禮拜唔聽佢電話, 佢又叫我記下佢d好野....但我真係接受唔到我的男朋友在佢女朋友有難時都唔幫....只係做擔保人....又唔係叫你攞錢...借錢既人係政府囉....當時佢話唔想做呢d擔保人既野.....而家又話因為d錢比基金扣住.......口口聲聲話對你點好點好.....到要做的時候就啊之啊左........呢點佢同KK就有好大的分別.....到我現在話好想番香港....佢都唔會好似kk咁一開口就話我幫你.....啊威竟然係話借住比我先....又叫我問老豆攞.....又話我係呢度讀書.....我老豆都會好唔掂....總之我就覺得佢講一大堆幫唔到手而又無建設性的說話.......其實...佢應該想清楚究竟佢現在係因為內疚而對我好還是真係喜歡我而對我好.....我好唔鐘意d人對我好完又要日日日提係口邊.....呢d咁喜歡認叻的人真係好討厭..........

在墨爾本的頭一個禮拜就生病了, 試過迷路、係街比人潦、見工整親腳兼遇到個八婆老闆娘、租屋比人呃錢、在街上暈倒.......什麼大的難題自己都試過解決過了.....還有什麼要怕呢....還有什麼睇唔開呢.....係呢度雖然有好多唔如意的事...但都好好彩...我識到2個好朋友....一個係印度女仔Merra, 有個女仔可以傾下計都唔錯.....一個係新加坡男仔Timonthy....係我上一次暈倒的時候, 好在有佢照顧我....如果唔係後果真係不堪設想....佢係一個唔認叻、細心、敏感同有視野的男仔.....唔錯唔錯....不過他太純了......