我知再喊點喊都無用, 改變唔到d乜, 但我真係控制唔到我d眼淚...

佢地可以打齋唸經做法事, 佢地可以為爺爺做最後既事, 可以心安理得...我呢? 我仲可以做d咩? 一切都太遲, 我知我將來唔會見到佢...對唔住...

呢幾日無時無刻都會諗起爺爺, 佢係我見過最可愛最溫柔最無要求既老人家
有好多人老0左既時候會有好多怨言, 怨d仔女對佢唔好, 記住後生個時邊個對佢唔住, 爺爺選擇0左忘記...近幾年佢既記憶愈來愈差, 有時連阿爸都唔記得, 雖然係咁, 但每次見到佢都係開開心心既, 食得0訓得, 無乜煩惱, 無乜擔憂, 其實記唔記得我地都唔緊要, 我地記得佢就夠了~~ 佢唔記得我地, 走個時都會開心d, 無牽無掛

爺爺佢好鍾意食野, 咩都食, 咩都話"好吃", 有野食就會笑得好開心, 好似小朋友咁好易滿足, 每次見到佢食野既樣, 都會覺得特別好食~~ 而且佢食過d乜都唔記得, 每次買野俾佢食, 佢都會話 "好吃, 咁大個仔都未吃過d咁好味既野"; 之前去醫院探佢, 仲同佢講" 你快d好0番, 同你去飲茶, 買大飽义燒飽你食", 佢笑住話好...但已經無機會...

爺爺身體一向都好好, 健健康康, 由細到大, 都無聽過佢有咩大病, 直至今次院, 呢次係佢第二次入院, 亦係最後一次...
佢好怕住院, 有一次探佢個時話 "我唔醫la, 返屋企得唔得?" 知道佢真係好辛苦, 佢一向都咁健康, 突然俾人綁住手吊鹽水, 插喉食唔到野, 又抽痰...佢住0左10幾日院直到走個日都無食過野...佢一定好肚餓, 有一次摸佢隻手, 佢瘦0左好多..好多...

星期五晚收到電話個時爺爺已經走0左...好後悔個晚無去探下佢...
去到醫院見到爺爺好似0訓著0左咁, 好想叫醒佢, 好想再叫佢一次... 佢走得好突然, 但值得安慰既係佢走得好舒服, 一d都唔辛苦...

爺爺, bye bye..."再見"...
無論你係邊, 我都會祝福你