今晚同菁菁去補祝生日, 幾個女仔又去0左個間餐廳, 其實個間餐廳既野食麻麻地, 但唔知點解我地咁鍾意去~~
愛情同麵包, 的確好難揀, 我唔信可以同時擁有兩樣野, 如果真係有咁好既男仔, 都唔會屬於我...不過其實每個人對呢兩樣既定義同要求都好唔同, 我絕對唔侈求一d好物質既生活, 簡簡單單, 唔駛憂柴憂米, 有時可以去下旅行咁就ok (um...係唔係都算要求高呢~~?) 我寧願佢對我好, 明我諗d乜, 係我需要佢幫忙既時候, 我未開口都識主動做, 咁就好足夠...不過要明我諗乜, 可能已經係一個好難既task~~
食飯個時如果唔係凱茜問0番我, 我都唔會再諗起呢件事, 初時我都以為係我自己要求高, 嬲埋d無謂野, 原來佢地個個都覺得係佢做得唔好, 仲問我點解個時唔嬲佢, 我想講"我有, 已經濃0左面, 但佢一d都唔覺..." 可能個時間房黑, 佢都見唔到我面黑...!
同佢傾電話個時問0番佢呢件事, 佢都好似無0左回事咁...到佢醒0番起就話"我覺得係你身在福中不知福law, 我係加拿大個時, 同其他新加坡, 台灣, 加拿大女仔相處個時都係咁ga la, 都唔駛人接送ga la, 係你地d香港女仔要求高jei"... 原來我同其他新加坡, 台灣, 加拿大既女仔係佢心目中地位一樣, 原來佢對我同對其他女仔一樣, 原來係我唔應該要求咁高...
"我識路既話, 我唔會要你接我", "咁個時唔係好夜, 而且我都唔係好熟個度既路, 我都唔知你係邊, 點接你? d咁minor 既野,有咩好嬲?"
但換著係我,我會叫你企定, 問你附近有d乜, 然後出0黎搵你...呢d野應該唔駛講都會做...有時我覺得我先係男仔...
喊緊, 仲要扮無事氹0番佢,
我係一個EQ幾高既香港女仔...

其實都無得怨d乜, 由識你第一日就知你係d咁既人, 唔開心既唔係你粗心大意, 因為你比起以前已經好好多...


我都唔知自己點解唔開心, 只係眼淚不停咁流