好快又一年, 過去幾個月都好混亂, 發生0左好多事, 知道好多野, 但我都無時間去處理, 去settle down, 但唔可以再係咁, 佢就返, 我同自己講過, 我一定要係佢返0黎之前搞清楚所有野, 所有感覺...原來唔係我想像中咁難ga ja, at least 比起之前易好多~~
我一向都唔係好鍾意自己記性差, 成日都失憶咁, 但漸漸發覺原來忘記係一種福氣, 記性差都有佢既好處~~有好多事, 都會隨住時間流逝而變得愈0黎愈模糊, 感覺亦都會隨住時間而改變...
FORGET TO REMENBER, 一齊都0黎得輕鬆自然...
但係有一樣野......

前晚同阿菁傾完電話, 都唔知點幫佢, 其實佢都有答案, 亦唔需要我既advise, 佢只係想拖, 唔想開口唔想做衰人, 想對方等到無晒耐性主動提出分手, 同我個時一樣...好衰呢...而家諗0番起個時我真係好hurt柏豪, 個時成日同自己講"你諗清楚先la, 再用d時間諗下先la" 但根本就無諗, 應該係無諗清楚, 個時係咁, 而家呢?...
今日又同阿媽吵0左一獲, 又係為0左同一個問題, 好煩, 我真係唔想同佢再嘈, 但佢真係永遠都唔知我諗乜我要d乜, 佢話我從來都唔同佢講, 佢緊係唔知唔明; 但換個角度, 我就係因為知佢永遠都唔會明, 所以亦唔想講
我從來唔鍾意迫人, 亦唔鍾意被人迫, 我知我同我阿媽永遠都係兩個世界既人, 就算佢知我既諗法又點, 佢都唔會接受到我諗既個套, 我亦唔會迫佢接受, 咁佢知同唔知有咩分別??
係佢眼中我做既任何野都唔係好0岩, 佢永遠都覺得我仲係一個細路女, 唔識plan, 怕我既決定將來會後悔...成日都剩係想我教琴, 覺得教琴收入穩定又好, 佢到而家都仲係覺得我呢份工係做唔長, 應該係話我做咩工都做唔長, 除0左教琴, 我好唔鍾意俾佢0弟死...
我買咩都會話我0徒錢, 我真係好唔鍾意佢咁諗我, 唔知係唔係因為咁, 佢愈係唔鍾意我做既, 我就愈做, 搞到我好似stay0左係十幾歲反叛時期咁
我唔係唔明佢既用意, 可能經過阿哥件事, 令佢對錢著緊0左, 無乜安全感, 覺得隨時隨地都要有筆錢係身邊已備不時之需; 但件事都過0左咁耐, 而且阿哥還阿哥, 我還我, 我知道咩叫適可而止
次次出街, 無論同邊個, 都會叫我小心d朋友, 一定要飲晒杯野先行開...講到我身邊d人會害我咁...我好憎佢咁諗, 我覺得佢唔係唔信我d朋友, 佢唔信既係我, 我係佢眼中真係咁白痴? 好人壞人都唔識分?? 同佢講過好多次叫佢唔好咁諗, 但都係咁, 明知我唔鍾意都係要講, 我真係有d透唔到氣, 佢真係唔知我諗緊乜, 就連我唔鍾意d乜, 需要d乜都唔知...
愈0黎愈唔識同佢相處, 我剩係好想佢信我, 信我既決定, 亦都信我有能力去做決定...