終於收到佢d相la, 今年新年見完佢之後就無再聯絡, 頭先佢打電話0黎, 仍然地咁多咀, 比以前更甚, 佢已經叻過我, 如果而家同佢嗌交, 我應該輸...
上兩個禮拜同carmen佢地去0左南丫島行山, 都有成10年無去過, 唔記得晒個度係點la, 不過可能係星期日, 比我想像中多人, highwai 話點解好似去0左大埔超級城咁~~
個度好多外國人, 搞到我以為自己先係foreigner~~不過好開心,成日都好想行山但都搞唔成, 終於有機會, 而且唔難行, 天氣又好, 又邊行邊食,豆腐花, 魚蛋......最後仲食海鮮~~ 好開心既一日
搭船返0黎個時, 貪玩坐上層....大風到.......凍到無晒知覺, 但唔知點解, 係個一刻, 好掛住佢...如果佢係度...會暖好多~